FEATUREDIkus LiuNewsSaude

Lú-Olo: Luta Hasoru Covid-19 Ita Hotu Nia Kna’ar

Fahe Tutan

Nauni Média (Díli), Prezidente da Republika Franscisco Guteres Lú-Olo Informa, Pandemia Covid-19 ne’e afeta sidadaun hotu-hotu iha mundu inklui mós Timor-Leste, Nune’e Luta hasoru pandemia ne’e sai kna’ar hotu-hotu nian.

“Hanesan Funsionáriu ho Ajentes públikus nu’udar mós sidadaun TL, Maibé Funsionáriu ho ajentes públikus nia responsabilidade maka tenke a’as liu, tenke sai ezemplu pozitivu hatene lori mensagen klaru no fundamentu ba sidadaun sira  oinsa komunidade bele se’es husi Covid-19,” Dehan Prezidente Republika Francisco Guteres Lú-Olo, iha diskursu selebrasaun loron Nasionál Komisaun Funsaun Publika (KFP), iha salaun CNE, Quinta (15/07).

PR haktuir iha nível nasionál no mós internasionál, ho pandemia Covid-19, ita-nia País hasoru inklui dezafius hanesa dezastre naturál husi ‘Ciclone Seroja’ ne’ebé akontese iha fulan abril liubá no hatodan liután impaktu negativu sosiál no ekonómiku ne’ebé ita hasoru hela.

“Situasaun susar ida ne’e ezije funsionárius no ajente públikus ho dedikasaun no efikásia a’as liu baibain nian atu serví nafatin sidadaun sira ho exelénsia, Kna’ar importante ohin loron nian husi ita-nia Estadu, Ho nune’e husi koletivu funsionárius no ajentes, mak hala’o atividade nesesáriu atu ita bele halakon kalamidade saúde públika ita hasoru ohin loron” Tenik Lú-Olo.

Lú-Olo Realsa, haklaken lolos ba sidadaun sira kona-ba vasina hasoru Covid-19, Karik la iha impedimentu ruma, funsionáriu no ajente públiku sira fó ezemplu simu vasina atu hasa’e konfiansa nune’e dada sidadaun sira seluk atu halo tuir.

“Hare’e ba esforsu koletivu ne’ebé halo to’o ohin loron ho kolen-laek, ha’u konvida hotu-hotu atu rekoñese no saúda, motiva no kolabora liután hodi haforsa sira ne’ebé halo parte iha liña oin, liu-liu Ministériu Saúde inklui husi transporte no limpeza, Polisia Nasinál Timor-Leste (PNTL), Falintil-Forsa Defeza de Timor-Leste (F-FDTL)  ho sektor sira seluk,” Haktuir Xefe Estadu

Nia hateten sira Arriska sira nia saúde no mós sira nia vida loron-loron tanba Covid-19 bele da’et ba sira, iha momentu ne’ebé de’it, bainhira hala’o sira-nia atividade nu’ udar liña oin”

Biar ida ne’e mak prioridade, Ita sira labele haluha kna’ar importante sira seluk Estadu nian, Administrasaun Públika nian, biar ita moris iha susar laran. Hakotu PR Lú-OloAna

Leave a Reply

Your email address will not be published. Required fields are marked *