PR “Lú-Olo” Seidauk iha Pozisaun Re-Kandidata PR 2022/2027
Naunil Media (Díli), Prezidenti Repúblika (PR) Francisco Guterres “Lú-Olo”, Hateten nia seidauk iha pozisaun atu re-kandidata hikas ba eleisaun presidensiál ba tinan 2022/ 2027.
“Ida ne’e ha’u seidauk bele hateten agora, bainhira tó iha nia tempu ita bo’ot sira sei rona”, Dehan Presidenti Repúblika (PR) Francisco Guterres “Lú-Olo” ba jornalista sira hafoin partisipa loron komemorasaun funsaun públika iha edifisiu CNE kolmera, kinta (15/07).
Aman ba nasaun ne’e informa, seidauk iha data komfirmadu atu dekreta loron ba eleisaun nian, ne’ebé sei akontese iha tinan oin mai.
“Seidauk iha tempu provavelmente iha tinan ida ne’e no bele mós tinan foun”, Katak nia.
Antes ne’e Presidenti partidu KHUNTO, aktual vise-Primeira Ministra no ministra Solidariedade sosial no inklusaun Armanda Berta dos santos, hateten iha loron 4 fulan jullu liu ba anunsia ona nia Kandidatura ba públiku, atu nune’e kompete iha eleisaun presidensial tinan oin mai.
Timor-Leste iha tinan 2022 sei selebra festa demokrásia hanesan eleisaun presidensiál atu povu hili fila fali figura ida, hodi bele sai Prezidenti RDTL ba tinan lima. Ana
