SEKoop Fó Pose ba Joventude Kooperativa Hamutuk 199
Naunil media (Díi), Sekretáriu Estadu Kooperativa (SEKoop) Elizario Ferreira, Informa objetivu ne’e enseramentu no fó pose ba joventude kooperativa hamutuk 199, ne’ebé mak partisipa formasaun ativu durante loron-30.
“Objetivu ida ne’e enseramentu ba formasaun ida ba joven sira hamutuk 199, ne’ebé mak hahú formasaun rejistu 200 resin, maibé ikus hela 199 mak partisipa ativu durente loron-30, no objetivu husi formasaun ne’e atu forma sira sai organizador, sai motivador, sai mobilizador ida ne’ebé permanente iha nivel postu atu nune’e bele organiza joven sira, populasaun enjeral atu hola parte iha vida kooperativa”, Hateten SEKoop Elizario Ferreira ba jornalista sira iha salaun são José katedral Vila-Verde Díli, kinta (15/07).
Nia hatutan, sira sei hela permanentemente iha nivel postu, atu eduka populasaun sira, eduka joven sira, no forma mós joven sira, no sensibiliza populasaun jerál atu nune’e ema hotu-hotu bele hola parte iha vida kooperativa, hodi kontribui ba redusaun kiak no kriasaun kampu traballu atu bele redus mós dezempregu iha rai laran.
Nia informa, sira sei estabelese kooperativa ba sira nia an rasik, atu kria auto empregu ba sira nia an, sei kria kooperativa iha nivel postu, hodi asegura partisipasaun sidadaun no joven sira nian.
“SEKoop sei hamriik iha sira nia oin atu dada sira, bainhira sira atu monu dudu husi kotuk bainhira sira la forsa, atu nune’e sira bele hamriik metin atu ba oi,n labele depedente demais ba iha instituisaun estadu nian ka instituisaun rai seluk nian”, Dehan nia.
Nia esplika, SEKoop sempre iha esperansa, tanba rai ida ne’e joven sira mak liberta no joven sira mak tenke iha papél importante atu hadia ita rain, joven husi postu (65) mak tuir formsaun kooperativa nian
Nia mós fó mensajen badak de’it katak, ba joven sira mak tenki hahú ohin no ba joven sira mak tenki sente katak rai ne’e sira nia.
Iha fatin hanesan , presidenti joventude kooperativa Goncalo da Costa Goncalves, hatutan tan, formasaun ne’e durante fulan-1 no simu materia lubuk ida husi formador sira hodi prepara ami sai hanesan formandu atu sai fali formador, mobilizador no organizador iha baze.
“Durante formasaun ami konsege tuir formasaun , hili presidenti ba kooperativa durante ne’e liu husi prosesu asembleia jeral mai too iha votasaun husi eleitu ami nudar presidenti kooperativa ba oin ho mandatu tinan-3”, Dehan secoop.
Nia relata, material ne’ebé mak simu ne’e relevante ho atividade kooperativa nian , formasaun ba oinsa prosesu harii kooperativa oinsa mak bele halo estatutu , formasaun kona ba oinsa iha esperiensia atu lidera organizasaun kooperativa, depois mós formasaun kona-bá kontabilidade nomós kona-bá prosesu sai dirijente ba kooperativa, nia prosesu hanesan fiskalizador ba iha kooperativa .
“Husi material sira ne’e durante fualn-1 pelumenus sufisiente para ami bele fila ba baze hodi bele motiva, organiza no mobilize ami nia maluk sira, karik material ne’ebé mak ami simu sufisiente, tanba depois ami tun sei iha ekipa akompaniamentu husi parte diresaun kooperativa, apoiu nafatin ami iha baze para atu bele hadia liu tan formasaun, mobiliza movimentu kooperativa liliu joven sira, atu bele oinsa organiza, mobiliza ninia an partisipa direita iha prosesu dezemvolvimentu kooperativa”, Dehan Goncalo. Leo