Produtu Nufan Menus Rendimentu Durante EE
Naunil Média (Díli), Negosiánte Domingas Nufan informa, Durante Implementasaun Estadu Emerjensia (EE) ho Serka Sanitaria (SS), Fa’an dosi, Esteh, segar sari malirin inklui kafé, Maibé produtu hirak ne’e la folin tanba movimentu ema nian menus.
“Durante situasaun sei normal hanesan bai-bain kada loron bele hetan redimentu to’o $,40 (Dolar ha’at nolu) maibé iha situasaun ida EE ho SS ne’e susar tebes, Tanba movimentu ema nian lahanesan bai-bain ona” Dehan Domingas Nufan, iha Merkadu Taibesi, Ba Naunil Media, Quinta, (10/07).
Nia haktuir rejultadu husi negosiu ki’ik oan ne’e maka sustenta familia uma laran,inklui mós fó kreditu ba ema ne’ebé presija osan.
Rendimentu husi negosiu ki’ik oan ne’e maka lori sustenta familia uma laran, Nune’e mos fó kreditu ba ema seluk ne’ebé presija osan, osan kreditu ho inan $,100.00 (Dolar atus ida) kada fulan ho funan $,20 (Dolar rua nolu),” Tenik Domingas Nufan.
Nufan hatutan, Situasaun normal hanesan babain kada loron hetan $,40 (Ha’at nolu), Maibé situasaun agora ne’e susar tebes, tanba movimentu ema nian lahanesan ho situasaun uluk.
Rejultadu husi negosiu ne’e maka hola rai no sustenta ami nia moris loron-loron” Akresenta Nufan
Domingas Nufan agora dadaun hala’o hela nia estudu iha Universidade Nasionál Timor-Lorosa’e (UNTL), Departemaentu Lingua Offisial Tetun, dadaun ne’e Tu’ur iha kadeira Semester hitu. EMJ2
