PM Taur Hato’o Sentimentu Solidariedade Ba Nasaun Alemaña Nó Beljika
Naunil Média (Díli), Primeiru Ministru (PM), Taur Matan Ruak lori Governu nó Povu Timor-Leste nia naran hato’o sentimentu solidariedade ba Governu ho povu Alemeña nó Beljika iha Uniaun Europeia, Ne’ebé akontese inundasaun no dezastre naturais iha loron sexta, (16/07)
“Ha’u sente triste tebés wainhira hare’e nó rona konsekuénsia husi dezastre naturais iha Alemaña no Béljika, Ne’ebé hamate ema kuaze atus ida resin, nó rihun ida atus tolu mak lakon inklui ema barak mak sofre, Kanek no mós hamosu destruisaun bo’ot ba propriedade populasaun sira nian,” Haktuir PM Taur Matan Ruak, Iha Komunikadu Impresa ba jornalista, iha Palsiu do Governu, Sabdu, (17/07).
Relasiona ho akontesimentu ne’e PM Taur, Lori povu no Governu TL nia naran hakarak transmite solidariedade no simpatia ne’ebé kle’an ba Governu no povu Alemaña nó Béljika.
“Espesiál liu ba família vítima sira ne’ebé lakon ema ne’ebé sira hadomi iha akontesimentu ida ne’e,” Hateten Eis Prezidente Republika ne’e.
“Povu Timor-Leste hato’o kondolénsia no mós orasaun ba sira ne’ebé lakon sira nia vida no iha prontidaun nafatin atu tulun sobreviventes sira hodi kontinua iha korajén nafatin atu hakat-liu tempu susar ne’ebé sira hasoru”Subliña PM Taur. Ana
