Aviaun Cetilink Transporta Pasajeru 142 Díli ba Kuala Lumpur
Naunil Media (Díli), Diretór Aviaun Cetilink iha Timor-Leste Fernando da Silva, Hateten, Aviaun Cetilink ohin Transporta tan pasajeru hamutuk (142) husi Díli ba Kuala Lumpur.
“Pasajeiru sira ne’ebe mak agora atu sai husi Dili bá Kuala Lumpur, lori pasajeiru 142, maioria ita nian timoroan sira ne’ebé maka bá servisu iha rai liur, nune’e mós diplomata sira ne’ebé maka sira nian misaun hotu sira fila ba sira nian rain”, Dehan Diretór Aviaun Cetilink iha Timor-Leste Fernando da Silva, ba jornalista sira Aeroportu Internasionál Nicolau Loboto, tersa (20/07).
Nia haktuir, pasajeiru timoroan na’in-85, ne’e atu ba servisu iha Englatera, Irlandia, Portugal no ba Korea do súl.
Nia informa, pasajeiru sira ne’ebé mak ohin husi Kuala Lumpur Mai Díli, hamutuk 78. Maiorai delegasaun representa Estadu Timor-Leste ba tuir enkotru CPLP iha Luanda, diplomata balun mak husi Estadus Unidus Amerika (EUA).
Nia hatutan, Segundu maluk feto timoroan ida ema Suai Zumalae, nudar pasiente husi ministériu Saúde ne’ebé haruka ba halo tratamentu ba iha Jakarta la kosege salva lakon nia vida entaun transporta husi ne’eba mai Díli.
Ikus Nia dehan timor-oan mane ida ne’ebé oho aan iha Korea ne’ebé maka transporta husi Kuala Lumpur mai Díli.
Entretantu Cetilink voo husi Kuala Lumpur mai Díli lori mate isin na’in tolu mak henesan, labarik idadae 12 anus oan mane husi munisípiu Viqueque ba halo tratamentu kuase tinan tolu resin iha Pakistan iha Islamabat no la konsege salva nia vida. Ipe
