CNRT konsidera Meza PN La Respeita Loron Musulmanu

Naunil Media (Díli), Bankada Oposisaun Partdu Congresso Nacional Reconstrusão Timorense (CNRT), Deputada Veneranda Lemos, Informa konsidera meza Parlamentu Nasionál (PN) la respeita loron musulmanu nian kona-bá Idul Adha ne’ebé monu iha loron tersa ne’e.

“Ita hotu hatene katak iha mós jornal da Repúblika hatete katak ohin (20/07) ne’e toleránsia de pontu o dia inteiro,ita mós respeita katak ita iha relizaun bar-barak ita respeita sira nia loron bo’ot  ohin loron musulmanu ninian, Idul-Adha nian”, Dehan deputada CNRT Veneranda Lemos iha plenária iha uma fukun Parlamentu Nasionál (PN) tersa, (20/07).

Nia hatutan, ha’u lahatene tanba saida mak ita konvoka fali reuniaun ba ohin ninian, tanba CNRT haree ho observa kona-bá ajenda konvokatóriu reuniaun ida ne’e.

Nia dehan tanba iha kalendariu parlamentu Nasionál mós sita loron tersa (20/7) ne’e loron nasionál ba sidadaun musulmanu sira atu partisipa sira-nia loron Idul Adha.

Hatan ba kestaun ne’e Prezidenti Parlamentu Nasionál (PN), Aniceto Longuinhos Guteres Lopes hateten, maske governu dekreta pontu toleránsia ne’e iha loron 20 fulan-Jullu bazeia ba kalendariu normal ne’e.

“Maibé governu hasai tiha ona despaisu ida feriadu ne’e sei hadia fila-fali ba loron 19 jullu”, Dehan nia.

Nia afirma, Entaun feriadu ida iha toleránsia ba realiza relajiaun barak iha Timor-Leste ne’e, toleránsia mak ita halo tiha iha loron  19  fulan Jullu orseik.

tanba loron feriadu nasional ida ne’e adianta tiha mai iha dia 19.E depois ha’u foin rona informasaun horisehik lokoraik,dehan governu ohin sei halo tan pontu toleránsia.

“ha’u hanoin sentidu iha ne’ebé pontu toleránsia ne’e se ita feriadu adia tiha”, afirma nia.

Pozisaun meza deklara kria plenária tanba ajenda preparadu hotu ona, nomós nu’udar orgaun autónomu bele hasai desizaun la presiza halo pontu toleránsia.

“Lolos ita ko’alia pontu toleránsia ne’e, la’ós feriadu, hanesan presepsaun ita iha Timor bainhira pontu pozisaun deklara nia plenaria,  tanba ajenda preparadu hotu ona nomós nu’udar orgaun autónomu bele hasai desizaun la presiza halo por toleránsia ne’e feriadu tudo dia, pontu toleránsia ne’e buat ne’e mós fakultativu.

Se ema balun hakarak tama servisu bele servisu, liliu sira ne’ebé iha interese sira la tama mós la presiza justifika sira nia falta”, hateten nia. Ana