Deputadu Joaquim: Komisaun G Tenke Fiskaliza Lalais Pagamentu ba Subsídiu-Estudante
Naunil Media (Díli), Bankada apoiu governu Frente Revolusionariu Timor-Leste Independensia (FRETILIN) deputadu Joaquim dos Santos, Hatete komisaun G ne’ebé trata asuntu edukasaun tenke tun ona ba baze atu fiskaliza lalais prosesu pagamentu ba subsídiu ba estudante universitáriu.
“Ha’u husu ba komisaun G trata asuntu edukasauan, atu ba fiskaliza prosesu ne’e, tanba tó agora benifisiáriu balun la hetan sira nia diretu”, Dehan deputadu Fretilin Joaquim dos Santos iha plenária uma fukun Parlamentu Nasionál (PN) tersa (20/07).
Nia hatutan, tanba sa mak la kumpre lei ne’ebé parlamentu aprova, ho lamentsoens mosu barak-barak, liu ona fulan 4 ka 5 seidauk ezekuta ho problema iha ne’ebe?.
“Hare’e ba pagamentu subsídiu estudante ne’ebé tarde mak komisaun G presiza buka identifika problema ida ne’e atu bele rezolve lalais”, Katak nia.
Nia dehan, Tanba desizaun foi efeitu ho benifísiu sira nia diretu seidauk tó ba sira.
Nia afirma, keta kampus mak halo problema karik ou Ministériu Finansa mak seidauk fó osan ba, tenke hatene ida ne’e, tanba sira direitu ne’ebé tuir lei haruka.
Hatan ba kestaun ne’e, Prezidenti Parlamentu Nasional (PN), Aniceto Longuinhos Guteres Lopes, Informa durante resesu ho komisaun espesializada sira sei la halo fiskalizasaun ba ida ne’e.
Tanba ida ne’e komisaun permanante sira nia servisu.Tanba ne’e meza promete sei haree kestaun ida ne’e bainhira membru komisaun permanente sira ható pedidu no planu atu halo fisklizasaun.
“Komisaun permanente ne’e mak halo purtantu orsida sei iha proposta ruma, membru komisaun permanente sira,prepara planu ba atu halo fiskalizasaun saida, tanba komisaun permanente mak halo akompanamentu ba atividade sira hotu husi governu nian”, Katak nia. Ana
