FEATUREDGeralIkus LiuNews

PR “Lú Olo”: Idul Adha Fó-Sentidu Bo’ot ba Komunidade Musulmanu iha-TL

Fahe Tutan

Naunil Média (Díli), Prezidenti Repúblika (PR)  Francisco Guterres “Lú Olo”, Hateten selebrasaun Idul Adha ne’e fó sentidu bo’ot ba komunidade musulmanu iha Timor-Leste (TL).

Mensajen PR ne’e hato’o husi Xefe Casa Civil Francisco Maria de Vasconcelos liu husi diskursu wainhira komunidade musulmanu sira  komemora loron Idul Adha ne’ebé hala’o iha Mizid Annur Díli Timor-Leste Tersa, (20/07).

“Idul Adha fó sentidu bo’ot tebes ba komunidade musulmanu iha Timor-Leste, no iha mundu oinsá halo sakrifisiu no momentu ida ne’ebé hasae ita bo’ot sira nia fiar, ba Allah hodi hametin relasaun entre ema ba ema no hasa’e kualidade moris liu husi asaun sosial”, Dehan PR .

Xefe estadu hatutan, sakrifisiu ne’ebé komunidade musulmanu halo iha loron importante ida ne’e, mak sosa oho animal sira nia hanesan Bibi no Karau, hodi fahe ba maluk sira ne’ebé presiza, liu-liu ba sira ne’ebé hetan ai-han moris loron-loron nian.

“Atu nune’e hasa’e liu tan ita bo’ot sira nia Asaun konkreta hodi hakat ba dalan foun moris nian, ne’ebá mai nafatin valor fiar ba relijiaun unidade fraternidade no sentidu solidariedade”, Tenik xefe estadu.

Iha loron sakrifisiu ida ne’e xefe estadu  fiar metin katak, komunidade musulmanu sira sei hatudu nafatin sentidu solidariedade, ba malu sira ne’ebé vuneravel liu hodi hasoru situasaun ida ne’e, nune’e aman ba nasaun ne’e mós aproveita oportunidade ida ne’e, atu hasa’e liu tan valor hirak ne’ebé komunidade musulmanu kaer metin iha selebrasaun ida ne’e, Dehan PR.

Nia dehan, Serimónia ida ne’e ho nia solidariedade rasik no PR nia respeita no sai testemuña ba Timor-Leste, nia espiritu nu’udar relijioza katak timoroan hatene simu malu respeita ida-idak nia fiar, tuir Konstitusaun Repúblika Demokrátika Timor-Leste (TL).

Nu’udar prezidenti Repúblika sei tane aas nafatin valores sira ne’e, no hamutuk ho komunidade musulmanu sira no komunidade reliziozu seluk hotu sei fó liman ba malu nafatin nu’udar povu ida de’it hodi serbí rai doben Timor-Leste.

Iha fatin hanesan Pezidenti Konsellu Nasionál Izlámika Timor-Leste (TL), Abdul Inacio António Soaresn hateten  selebrasaun ba Idul Adha, ne’e hanesan tradisaun ida ba ema musulmanu iha mundu tomak, kada tinan hodi selebra loron Idul Adha hodi hametin fiar ba Maromak.

“Signifikadu hosi Idul Adha ne’e hanesan doutrina ida ba ami, oinsá atu hametin ami-nia fiar, tuir profeta Abrão ne’ebé halo teste fiar nian maka’as liuhosi nia oan mane profeta Ismael, oinsá fó fiar ho laran nafatin ba Nai maromak, entaun oinsá ami rona Maromak Nia liafuan hodi hametin ami-nia fiar ba Maromak”, Dehan Abdullah Inacio António Soares.

Nia hatutan, antes loron sanulu tama ba selebrasaun loron Idul Adha sira halo atividade haji, tanba ne’e ba komunidade ne’ebé seidauk bele ba hasa’e haji, sira  bele liuhosi oho animál ka fahe ba komunidade ne’ebé kbiit-laek.

Musulmanu iha mundu, inklui Timor-Leste (TL), ne’ebé hala’o iha Mizid Annur Dili (20/07) Idul Adha Mubarak ba dala-1442, ho tema iha lian Indonézia, “Daging darah Qurban itu sekali-sekali tidak dapat mencapai keridhaan Allah, ketaqwaan dari kamulah yang dapat mencapainya (Al-hajj:37)”. *Jos

Leave a Reply

Your email address will not be published. Required fields are marked *