Armanda Vizita Armazen Sames
Naunil Media (Díli), Vise Primeira Ministra i Ministra Solidaridade Sosial no Inkluzaun (MSSI) Armanda Berta vizita Armazen Sames hodi haree kona-bá oinsa atu hadia fatin atu tau ai-moruk ho dignu.
“Objetivu mai vijita armazen iha Sames ne’e atu haree stok aimoruk sira ne’ebé iha armazen ne’e rasik, nomós ba administrasaun sira iha Sames ne’e rasik, la’os haree de’it ba ai-moruk sira seluk, maibé liu-liu ba ai-moruk vasina, dehan Ministra Silidaridade Sosial no Inkluzaun, Armanda Berta dos Santos ba jornalista sira iha Sames Kampu Alor, kinta (22/07).
Nia hatutan, presiza fatin importante atu nune’e bele asegura armazen ne’e, bele halo distribuisaun ba rejional sira, armazen ne’ebé mak kondisaun sei di’ak para atu bele disponivel ba ai-moruk ne’ebé mak iha.
Nia dehan, atu fó espasu ba armajen ne’e depende planu husi ministériu saúde (MS) ho Sames, oinsa atual uza armazen ida ne’ebé mak kualidade, Nia hakotu. INA