Formasaun Foemoko TC Komesa La’o Normal
Naunil Media (Díli), Diretór Foemoko Training Center (FTC) Juvencio Dos Santos informa, Aktivadade Formasaun iha FTC dadauk ne’e Komesa la’o normal ona, Hafoin rona despaixu husi Ministeriu Edukasaun e Juventude nó Desportu (MEJD).
“Agora dadauk ne’e aktividade formasaun iha FTC hahu la’o normal fila fali ona hanesan, Hafoin rona tiha depaixu husi MEJD, Edukasaun formal ho naon formal bele hala’o ona sira nia aktividade, Maibé tenke kumpri rekejitur husi Organijasaun Mundial Saúde (OMS), Hodi prevene transmisaun surtu Covid-19,” Dehan Diretór FTC, Juvencio Dos Santos, Ba Naunil Media, iha nia kna’ar fatin FTC Bekora, kinta, (22/07).
Nia haktuir, Durante iha fulan hirak liu Governu implementa serka sanitaria (SS) no konfinamentu obrigatoriu (KO) kuaje aktividade hotu-hotu paradu, Maibé FTC nia aktividade la’o nafatin liu husi via online.
“Durante SS ho KO aktividade hotu hotu paradu maibé ita nia aula la’o nafatin liu husi via online, Maibé estudantes sira balun labele akompaña tanba preokupa ho rede internet no balun laiha osan atu hola pulsa asesu internet hodi aprende siensia,” Haktuir Juvencio.
Nia hatutan, ba estudante sira ne’ebé sei iha munisipiu bele esforsu a’an ba sinu vasina nune’e bele tmai uir ona formasaun.
“Estudante sira ne’ebé mak sei iha Munisipiu bele hakbesik a’an ona ba sentru Saúde ne’ebé besik hodi simu vasina Covid-19, Nune’e bele mai tuir ona formasaun tanba aktividade la’o normal fila fali ona,” Diretór ho idade foin sa’e ne’e husu.
Alende ne’e FTC priense ona rekejitus husi OMS ho Ministeriu Saúde (MS), hodi bele reativa ona aktividade.
Iha FTC Formador hamutuk Sanolu (10), Kompleta ona Vasinasaun Doze daruak, ho Formadus hamutuk nain Atus tolu (300). Latu/Coro
