Munisípiu 3 Mak númeru Vasina AstraZeneca A’as Liu
Naunil Média (Díli), Porta-voz komunisaun Ministerial ba Implementasaun Vasina Kontra Covid-19, Danina Coelho, Informa vasinasaun Covid 19 munisípiu tolu númeru a’as liu mak Covalima, Díli, no Viqueque.
“Iha munisípiu Covalima hamutuk 40%, Díli no Viqueque vasina hamutuk 41.3% mak a’as iha munisípiu sira seluk”, Dehan Porta-voz komunisaun Ministerial ba Implementasaun Vasina Kontra Covid-19, Danina Coelho ba jornalista sira iha salaun MSS Kaikoli, sexta (23/07).
Nia hatutan, husi populasaun Díli (hamutuk 126,570) liu husi pursentu 58%, no pursentu 40% liu husi populasaun Viqueque (18,141), mak simu ona vasina doze dahuluk nian.
“Ho bazeia ba anunsiu ne’ebé mak fó sai husi Komisaun Interministerial ba Implementasaun Vasina COVID-19”, katak nia.
Nia dehan, hakarak informa katak iha aumenta makas no lais liu husi populasaun elegivel ne’ebé simu ona vasina iha munisípiu Díli lideransa relijioza no pesoal saúde sira.
“Ami nafatin enkoraja membru ho komunidade sira iha munisípiu hotu-hotu atu bele simu sira nia vasina iha tempu badak atu bele proteze sira nia a’an husi impaktu maka’as husi moras Covid-19”, dehan nia.
To’o ohin loron mais ou menus ema hamutuk nain 262,933 (35%), mak simu ona sira nia vasina ba doze dahuluk nian no ema na’in 74,918 (10%) mak simu ona vasina ba doze daruak nian iha teritoriu tomak. Ana
