FEATUREDIkus LiuNewsSaude

PR “Lú Olo” Preokupa Variante Delta, Iha Indonézia Ema Mate-Barak

Fahe Tutan

Naunil Media (Díli), Prezidenti Repúblika Francisco Guterres “Lú Olo”,  Hateten nia preokupa tebe-tebes ho Corona Variante Delta ne’ebé oho ona ema barak iha nasaun vizinu Indonézia.

Xefí estadu ható preokupasaun hirak ne’e liu husi diskursu bainhira atu simu Vasina ba segunda doze iha palásiu Prezidenti  Nicolau Lobato Bairru Pite, Sexta (23/07).

“Corona ida ne’e iha ninia orijinál idade ne’ebé makas,  iha informasaun ne’ebé mak prekupante tebe-tebes mai ita katak ho nia Variante ida bolu naran Delta , ne’ebé oho mós ema barak ona iha ita nia belun nasaun vizinu Indonézia nian,  iha tempu ne’ebé foin dadauk liu ba”, Dehan PR

Aman nasaun ne’e hatutan,  ema hotu hatene katak Corona ida ne’e oho tiha ona ema barak iha mundu,  inklui Timor-Leste (TL) ne’ebé mak rezista nain 26 mate ona ba Covid,  ho razaun lori povu tomak atu ba seguransa saúde ninian.

“Seguransa atu bele hetan imunidade di’ak liu tan ba sira nia saúde ba sira nia família sira,  ita ható purtantu liu husi ita nia vasina segunda doze ida ne’e hodi bele mós ba ita povu tomak,  atu bele sira hotu hotu bele ba simu vasina iha periodu ida ne’e”, Tenik xefí estadu.

Lú Olo mós aviza ba povu tomak para hotu-hotu bele ba simu vasina ida ne’e,  tantu PR mós husu ba hotu-hotu para dispoin nia a’an para profesionais saúde sira bele halo vasina dala ida tan,  no husu mós ba povu para hotu-hotu bele ba iha sentru iha fatin sira ida ne’ebé destinadu ona,  para hotu-hotu ba simu vasina ida ne’e hodi proteze a’an.

PR ne’e,  mós enkoraza katak vasina de’it mak bele hasa’e imunidade,  atu proteze isin proteze família inklui proteze enjeral komunidade tomak.

Iha fatin hanesan Diretóra jerál prestasaun servisu ministeriu saúde Odete Viegas,  hateten  vasina mak meus ida ne’ebé bele proteze a’an, proteze família, komunidade no mós nasaun husi moras Covid-19.

Odete dehan ohin eventu importante ida katak Prezidenti  Repúblika (PR),  hetan ona vasina segunda doze ba iha AstraZeneca,  tuir tempu ida ne’ebé mak determina iha kalendariu depois de hetan vasina primeiru doze.

“Semana 8 depois Prezidenti Repúblika ho nia espoza ohin simu segunda doze,  ida ne’e mós atu bele hatudu ezemplu ba ita nia Nasaun, ba populasaun katak hahú husi ulun bo’ot sira,  tó iha ema hotu-hotu tenke partisipa iha vasina ne’e atu bele proteze ita nia a’an”, Dehan Odete.  

Nia esplika,  hanesan dadus ne’ebé mak uluk primeira faze sira purvolta,  duzentus ital pesoas ne’ebé mak hetan vasina entaun espera katak,  ohin ne’e mós sira mai ho númeru ne’ebé mak hanesan,  maibé se númeru ne’e labele priense ohin bele aban bainrua,  mós sira hakbesik a’an nafatin ba postu vasinasaun ne’ebé mak agora dadauk estabelesidu ona iha rai laran.

Nia informa,  dadus anivel nasionál ba iha primeira doze Timor-Leste (TL) konsege atinzi ona ema ne’ebé mak vasina trezentus i trinta i tres mill populasaun ne’ebé mak hetan tiha ona ba Primeira doze

No ba segunda doze Timor-Leste (TL)  mós purvolta ema  rihun 500,  ne’ebé mak vasina anivel nasionál persentazen ne’ebé mak TL,  iha ba Primeira doze konsege atinzi besik 35% no iha segunda doze kuaze 10% ona. *Jos

Leave a Reply

Your email address will not be published. Required fields are marked *