UNIJMA Ható Dokumentu Sede CPD RDTL ba PR

Naunil Media (Díli), Uniaun Nasionál Juventude Maubere (UNIJMA) ativista Pro RDTL relata kazu Sede CPD RDTL,   ne’ebé mak durante ne’e PNTL eskuadra Nain Feto Okupa Ilegal ne’e ba PR.

Asuntu ne’e ható husi sekretáriu Jerál UNIJMA Pro RDTL Gil Fernandes Da Costa ba jornalista sira iha palásiu Prezidenti Nicolau Lobato Bairru Pite,  Sexta (23/07).

“Asuntu ne’ebé mak ohin sai hanesan topiku ba ami mak Sede CPD RDTL/ FRETILIN MOVIMENTU hanesan mós sentru restaurasaun RDTL ne’ebé mak hetan okupa ho ilegalme te husi PNTL eskuadra Nain Feto”, dehan Sekjer UNIJMA. 

Sekjer UNIJMA ne’e hatutan, husi rezolusaun númeru 5/3/2014, ne’ebé Parlamentu Nasionál (PN) produs no inplementadór mak Polísia Nasionál Timor-Leste ( PNTL),  maibé iha implementasaun ne’e invez de ninia tarjetu ne’e ba ema seluk ka grupu seluk iha fatin seluk,  maibé pelu kontrariu kaptura fali sira CPD RDTL hanesan mós orgaun da restaurasaun ninian.

“Mesmu ke nune’e ami simu realidade ida ne’e iha tempu ne’eba,  simu moruk ida ne’e no laiha tan dalan seluk uniku via mak ami tenke koopera ho justisa , ne’ebé durante tinan neen nia laran  ami koopera ho justisa”. Katak nia

Gil hateten,  depois justisa ne’e la’o atu tó iha nia rohan ne’e Ministeriu Públiku (MP) hanesan nain ba kazu ida ne’e, sira rasik mak sujere ba tribunal para atu absolvisaun totál ba kazu ida ne’e, ne’e katak hotu-hotu ne’ebé agora mai sira CPD RDTL ne’e falsu hotu inklui rezolusaun númeru 5/3/2014 ne’e

Nia nia haktuir,  bazeia ba desizaun tribunal desizaun tranzitu en julgadu entaun sira iha direitu ba sasán sira ne’ebé polísia prende hasai iha tempu sira halo inplementasaun.

“Tribunal mós apoiu ami ho transporte hodi nune’e ami tau ami nia sasán sira ne’e,  ami labele lori ba fatin seluk ami tenke lori ba fali ami nia fatin orijinál Balide,  hodi nune’e mak ami lori ba iha ne’ebá ikus iha tempu liu ba fulan Marsu 2020,  ne’e lori ba iha ne’ebá mas saida mak akontese iha ne’ebá Polísia sira la fó espasu ba mai ami,  katak la rekoñese desizaun tribunal ninian”, Dehan nia.

Tuir sira nia haree katak Polísia  hanesan fali la obedese ba desizaun tribunal ninian,  entaun hanesan fali inpozisaun ba tribunal entaun sira mós lori fali de’it sira nia sasán ne’e mai tribunal,  provozoria sira titip hela sira nia sasán iha tribunal.

Nia dehan sira mós  hatama tan keixa ida ba iha Prokurador Jerál Repúblika (PJR),  tanba desizaun tranzitu en julgadu ne’e sira iha mudansa tiha ona ba sira nia estatutu ne’e sira nia estatutu hanesan suspeitu, invezde entaun prosesu lori ba kadeia,  maibé sira sai fali ona vitima entaun suspeitu,  mak se aentaun sira suspeitu mak oknum polísia no oknum komandante sira ne’e inklui autor ba rezolusaun ne’e.

Iha biban ne’e Prezidenti Repúblika (PR) Francisco Guterres “Lú Olo” mós simu dokumentu ida ne’e no UNIJMA entrega hotu ona PR,  hanesan xefí estadu depois sei koordena ho governu no parte kompetensia sira seluk para iha tempu badak nia laran bele fó solusaun. *Jos