PTR Deolindo: Tribunal Seidauk Halo Auditória ba OJE 2021

Naunil Média (Díli), Prezidenti Tribunal Rekursu (PTR) Deolindo dos Santos, Informa Tribunal de Kontas seidauk halo auditória ba Orsamentu Jerál Estadu (OJE) 202,1 tanba tuir lei orsamentu ne’e rasik seidauk bele halo apresiasaun.

Asuntu ne’e deklara  (PTR) Deolindo dos Santos ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha palásiu Prezidenti Nicolau Lobato Bairru Pite, tersa (27/07).

“Normalmente iha fiskalizazsaun ne’e ita atravesa auditória ba orsamentu jerál estadu (OJE) 2021 nian,  ne’e ita seidauk iha auditoria,  kona-bá ida ne’e agora fiskalizazsaun ba orsamentu ne’e rasik entaun tuir lei katak orsamentu ba 2021,  ne’e seidauk bele halo apresiasaun ba OJE ne’e rasik”, Informa  PTR Deolindo dos Santos.

PTR ne’e hatutan,  agora mak la’o hela ne’e apresiasaun ba OJE 2020 nian,  ne’ebé  tinan ida liu ba agora foin kámara de kontas halo hela rekolla elementus ne’ebé ke mai husi entidades kompetente sira, molok tinan ida ne’e hotu Tribunal de kontas sei halo nia apresiasaun, no aprezenta nia relatóriu kona-bá konta jerál estadu nian ba tinan 2020 nian, ida ne’e sei akontese la’o hela no sei ható molok tinan ida ne’e ba iha Parlamentu Nasionál (PN).

“Iha prosesu auditória lubuk ida ba Obra balun ne’ebé ha’u labele mensiona iha ne’e,  no obra ne’e signifika bele ba konstrusaun prediu ne’e ba estrada buat barak ne’ebé ke kámara de kontas la’o hela,  ne’ebé ita labele divulga antisipadamente”, Tenik nia.

Deolindo esplika, rezultadu sai tiha mak molok fó koñesimentu rezultadu sai,  no aprovasaun plenáriu tribunal rekursu nian,  molok bele hateten katak ida ne’e mak la’o ona, enkuantu iha hela labele divulga.

 Nia dehan,  iha regulamentu ne’ebé determina  para auditoria sira ne’e la’o tuir tempu ne’ebé determinadu, no husi ne’e regulamentu iha mós lei kámara de kontas nian,  iha mós planu auditoria, maibé dala barak buat ne’e la’o lakonsege termina ho planu auditória ne’e,  tanba haree ba komplezidade prosesu.

Ikus nia dehan, se auditória ne’e simples bele halo hasoru lais, maibé auditoria sira ne’ebé komplezu ne’ebé presiza rekolla elementus ne’ebé mak barak iha kampu,  molok halo análiza ne’ebé ke di’ak,  entaun ne’e mós presiza tempu barak atu haree ba buat sira ne’e, Nia hakotu. *Jos