GAAKPR Fasilita Formasaun Kulinaria No-Jestaun Finanseiru Hodi Hakbiit Negosiante Feto

Naunil Média (Díli), Gabinete Apoiu Atividade Konjúje Prezidenti Repúblika, kontinua hala’o nia programa hasa’e abilidade negosiante feto sira iha luron-ibun no tasi-ninin, iha área kulinaria no jestaun finansiamentu, hodi bele aumenta liutan koñesementu hodi jere diak liutan.

Partisipante Alijina Amsela, ne’ebé mak partisipa treinamentu iha area jestaun finansiamentu sente kontente tebes tanba husi formasaun, bele eleba ona sira nia kapasidade oinsá atu jere finanseiru sai no tama husi negósiu ruma ne’ebé mak hala’o durante loron-loron.

“Treinamentu ida ne’e bele motiva ami, oinsá mak ami bele hatene osan sai no osan tama. Tanba ne’e liu husi grupu negósiu ne’ebé mak ba oin ami harii, bele eleva ona koñesementu hord Jere finansiamentu ho diak”. dehan Alijina Amsela ba Jornalista sira hafoin partisipa formasaun kulinaria no jestaun iha Metinaro, kuarta, (28/07).

Iha fatin hanesan partisipante Ana Espirito Santo, ne’ebé hetan formasaun kona-ba kulinaria, afirma nia sentimentu kontente, tanba foin ba dahuluk sira hetan formasaun, tanba ne’e ho fiar metin katak ba oin sei implementa koñesementu ne’ebé mak hetan ona husi fasilitadores.

Nia kompromete atu kria grupu negosiu, hadi reforma liutan aktividade ne’ebé mak nia hala’o tiha ona antes ne’e, hanesan: faan kioske, homan no faan dose.

“Agora hetan ona formasaun no bele aumenta ona ami-nia koñesementu”, Tenik nia

Programa hanesan, antes ne’e gabinete apoiu aktividade Konjúje hala’o ona iha fatin barak ba negosiante sira iha parte tasi ninin.*Jos