Lere: Seidauk Hanoin Kandidata A’an ba PR
Naunil Media (Díli), Xefí Estadu Maior Jeneral das Falintil Forsa Defeza Timor-Leste (F-FDTL) Tenente General Lere Anan Timur, Afirma nia seidauk hanoin atu kandidata a’an ba Prezidenti Repúblika (PR) iha eleisaun prezidensiál 2022-2027 no sei tó tempu atu kandidata ou lae.
Lia hirak ne’e Tenente Jeneral Lere Anan Timur ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha palásiu Prezidente Nicolau Lobato Bairru Pite, kuarta (28/07).
“Ha’u ne’e sira kontaktu ha’u la kontaktu, ha’u sempre hateten ba sira dehan hanesan ne’e, ha’u seidauk hanoin tó iha ne’ebá, sei tó tempu ha’u atu kandidatu ka la kandidatu, sei tó tempu joven sira halo konferensia imprensa ne’e sira nia direitu tomak”, Dehan Tenente General LAT
Tenente General ne’e hatutan, sira halo konferensia ne’e hanesan prestizu hondra ida ba nia entaun bele dehan sira depozita konfiansa ba nia, entaun nia dehan ne’e demokr’Asia husik sira halo ba.
“Ha’u bele fiar katak la’ós ida ne’e de’it dala ruma parte husi lori monu, mós sei parte Oe-Cussi mós sei halo tanba sira relasaun emosional entre ha’u hanesan irmaun “Lú Olo” hanesan “Taur Matan Ruak” relasaun emosional sempre iha”, Tenik Tenente Jeneral
LAT esplika sira ne’ebé ke foin dadauk halo konferensia imprensa ne’e dala ruma uluk sira nia inan aman halo ligasaun ho nia ne’e karik, se aban bain rua Oe-Cussi sei halo karik sira ne’ebé uluk ligasaun ho nia ne’e, keta sira parte loro monu Bobonaru, Suai halo ne’e keta uluk halo ligasaun ho nia mak halo ema seluk la halo.
Nia dehan, iha mundu ne’e lá’os ema hotu-hotu gosta laiha balun gosta no balun lagosta, ne’e mak eleisaun iha ne’e se hotu-hotu gosta karik lalika eleisaun ne’e mak nia hanoin katak ida nia la tau ba problema.
No husik sira nia direitu be agora dehan Padre sira mós kandidatu aan ne’e nusa mak agora kestiona fali, agora problema mak nia labele involve prátika polítika.
Antes ne’e Juventude Munisípiu Lautém (JML) mós deklara ona ba públiku katak atu fó apoiu ba Tenente General Lere Anan Timur karik posibilidade kandidata aan ba Prezidenti Repúblika (PR) hodi kompete iha eleisaun prezidensiál periodu 2022-2027. *Jos
