PN Aniceto: Lakohi Budu LPV Tó Mandatu
Naunil Media (Díli), Prezidente Parlamentu Nasionál (PN), Aniceto Longuinhos Guitreres Lopes, Hateten nia parte lakohi budu proposta alterasaun lei pensaun vitalisia (LPV) durante asume kargu Prezidenti.
“Iha ha’u nia mandatu ne’e, ha’u nia prezidensia. ha’u sei la budu ka rai hela lei iha ne’e pensaun vitalisia”, Dehan Prezidenti Parlamentu Nasionál Aniceto Longuinhos Guiterres Lopes ba jornalista sira iha plenária iha uma fukun Parlamentu Nasionál (PN) Tersa, (28/07).
Nia hatutan, lei Pensaun vitalisia mós agora iha hotu komisaun A.
“Maske LPV agora dau-daun iha ona Komisaun A ninia responsabilidade atu avansa ba diskusaun”, Katak nia.
Nia dehan, iha komisaun sei fó prioridade ba lei Organizasaun Judisial kona-bá Tribunál nomós Lei Enkudramentu Orsamentu (LEO) tó finaliza, hafoin bele trata lei pensaun vitalisia ne’e.
Nia hateten, kompeténsia PN entrega ona ba komisaun atu bele haree no lori ba plenária.
Nia afirma,bainhira tama ona diskusaun, deputadu konkorda aprova se la konkorda reprova. Ana
