Tanente General Lere: Rekrutamentu F-FDTL Foun Prioridade ba Jerasaun Patriota
Naunil Media (Díli), Xefí Estadu Maior General das Falintil Forsa Defeza Timor-Leste (F-FDTL) Tenente General Lere Anan Timur, Hateten rekrutamentu membru F-FDTL foun agora tama ba iha faze avaliasaun, maibé sei fó prioridade ba jerasaun patriota.
Funu Nain 24 Anus Lere Anan Timur ható lia hirak ne’e ba jornalista sira hafoin enkontru ho Prezidenti Repúblika Francisco Guterres Lú Olo iha palásiu Prezidenti Nicolau Lobato Bairru Pite, Kuarta (28/07).
“Agora mai sei halao avaliasaun sé mak liu se mak laliu, ami sempre prioridade ba jerasaun patriota, jerasaun patriota foin lalais ne’e la’os uituan orsida ita la fó ba ida mós nia hirus fó ida nia kontenti, pasensia ne’ebé la liu la liu ona”, Dehan Tenente General Lere Anan Timur.
LAT hatutan, labele dehan katak sira kuaze 5 mill ne’e Falintil Forsa Defeza Timor-Leste (F-FDTL) iha tinan ida ne’e presiza 600 agora jerasaun patriota 5 mill kedas.
“Ami tenke hasai ezemplu 60% karik 40% husi jerasaun patriota, sen duvida ke hotu hotu la tama dala ruma sira laran ne’e dala ruma sira dehan ha’u ladi’ak General ladi’ak maluk husi loromonu nia dehan Lere ne’e bosok ten, hatama fali ninia ema lorosae ha’u dehan ita líder ne’e tenke hanesan ne’e kalae halo di’ak mós ladi’ak halo ladi’ak entaun aat liu”, Tenik LAT
Tuir Tenente General ne’e katak ida ne’ebá ne’e lá’os nia mak halo avaliasaun, inspesaun ba saúde, fíziku, mental buat sira ne’e iha ekipa ida.
“Agora ami estuda husi ba jerasaun patriota sira ne’e imi 5 mill ne’e labele tama hotu, 5 mill ne’e ha’u bele dehan 200, 300 ne’e sira bele tama, ne’e mak ha’u hanoin katak joven sira ne’e militár la’ós uniku profisaun pozisaun ne’e bar-barak”, hateten nia.
Nia dehan, iha fulan Agostu agora ne’e sei presiza liu-liu kondisaun fardamentu, ne’ebé ke sei falta atu kompleta para hahú ona ingresu ka rekrutamentu ne’e.*Jos
