CNFP Prepara Abilidade Joven Iha Area 10
Naunil Média (Díli), Objektivu Centru Nasionál de Formasaun Profesionál (CNFP), atu prepara joven sira nia abilidade iha area 10 mak Hanesan, Area Karpintaria, Kustura, Informatika IT, Hidraulica, Pedreiru, Panifikasaun, Eletresidade, Refrigerasaun/AC, Motos, Soldadura.
“ Husi estudantes sira ne’ebé mak tuir formasaun iha area 10 ne’e hamutuk 384, Maibé agora dadaun ne’e estudantes hamutuk nain 179 mak iha ne’e, tanba situasaun Covid-19 estudantes lubuk ida mak sei iha Munisipiu seida’uk mai Díli,” Dehan Diretor CNFP Lourenço da Silva Gusmão, hafoin hato’o relatoriu abertura ba formasaun Profesionál ciklu 24, iha salaun CNFP Bekora, segunda (02/08).
Nia haktuir, Tuir lolos formasaun ne’e hahu ona iha loron (08/03/2021), Maibe tanba impaktu husi pandemia Covid-19 Governu Timor-Leste liu husi konselhu Ministru deside Estadu Emerjensia (EE), Konfinamentu Obrigatoriu (KO), ho razaun ida ne’e adianta formasaun ne’e.
Diretor ne’e akresenta, Dezemvolvimentu TL la’o di’ak presiza rekurusu ne’ebé naton.
“Hanesan abilidade skiil ho teknika ne’ebé dia’k hodi hala’o servisu iha mundu globalizasaun agora dadaun presiza ema ne’ebé iha eskiil no abilidade ne’ebé di’ak hodi hala’o servisu,” Tenik nia.
Lourenço esplika, Iha area formasaun atu oinsa prepara joven sira abilidade teknika hodi bele responde ejizensia indistria ou merkadu servisu iha rai laran no mós iha rai liur.
CNFP Bekora mós iha nia valor prinsipiu, Kretividade no Komitmentu, Fleksibilidade no firme, Profesionalismu, Kualidade no inovasaun.
Vizaun CNFP sei sai fornesedor formasaun ne’ebé bele lidera, forte liu tan no seustentavel hodi kontribui ba dezemvolvimentu sosio-ekonomiku TL nia. EMJ2/Mik
