EdukasaunFEATUREDIkus LiuNews

MESSK Longuinhos: Estudante Rihun 64, 589, Benefisia $14 Millaun

Fahe Tutan

Naunil Media (Díli), Ministru Ensinu Superior Siénsia no Kultura (MESSK) Longuinhos dos Santos, Informa estudante rihun 64, 589 mak benefisia orsamnetu ho montante $14 millaun.

“Orsamentu ne’ebé mak preve iha Fundu COVID- 19 ho valór millaun $14 no totál estudante ne’ebé sai hanesan benefísiariu 64,589 hosi instituisaun ensinu superiór tantu públiku no privada sira hamutuk instituisaun 18”, Dehan MESSK Longuinhos dos Santos ba jornalista sira iha plenaria iha uma fukun parlamentu nasionál, tersa (03/08).

Nia hatutan, MESSK akumula dadus hosi instituisaun ensinu superiór, tantu públiku no privada sira.

“Dadus refere presiza hetan asinatura ka koñesimentu hosi magnífiku-reitór sira, nune’e tuir mai dadus hirak-ne’e konfere hotu hetan verifikasaun hosi MESSK”, Katak nia.

Nia haktuir, iha artigu 16 hosi Lei númeru 8/2021, ne’ebé aprova iha loron 3 fulan-maiu kona-bá Orsamentu Jerál Estadu 2021,  ne’ebé aprova medida kona-bá sósiu-ekonómiku nian, ne’ebé aprova mós medida izensaun propinas ba instituisaun ensinu superior sira tantu públiku no privadu.

Nia dehan, Governante ne’e fó-sai katak, Ministériu Finansa transfere orsamentu ne’e iha loron 14 tó loron 15 fulan-jullu, halo transferénsia ba konta universidade hotu-hotu, tantu universidade públiku no privadu sira.

Ikus liu nia dehan, kona-bá Komisaun F Parlamentu Nasionál ne’ebé halo monitorizasaun no fiskalizasaun ba implementasaun medida ne’e,    ható mós kona-bá kalenderizasaun ba implementasaun izensaun propinas ne’e. Ana

Leave a Reply

Your email address will not be published. Required fields are marked *