Prezidenti CNE Husu PR Halo Lansanmentu ba Aktus Eleitoral

Naunil Media (Díli), Prezidente Comissão Nasional Elisoens (CNE) Alcino Barris,  Hateten husu Xefí estadu halo lansanmentu ba Aktus Eleitoral ne’ebé sei lansa iha 12 Agostu.

Prezidente CNE ható lia hirak ne’e ba jornalista sira hafoin hasoru malu ho Prezidenti  Repúblika (PR) Francisco Guterres “Lú Olo” iha palásiu Prezidenti Nicolau Lobato Bairru Pite, tersa (03/08).

“Ohin Comissão Nasional Elisoens (CNE) mai husu audensia ho Prezidenti Repúblika ba halo lansanmentu ba rezultadu peskiza Comissão Nasional Elisoens (CNE) ba aktus eleitoral ne’ebé programa sei lansa iha loron 12 fulan Agostu tuir programa CNE nian”, dehan prezidenti  CNE Alcino Barris.

Prezidenti CNE ne’e hatutan, sei Konvida mós entidades hotu-hotu inklui dirizentes partidu polítiku sira orgaun soberania sira seluk, Organizasaun naun guvernamentais sira hotu.

“Iha programa lansanmentu ne’e sei mós sai orador prinsipál iha selebrasaun lansanmentu ne’e mak konfirmadu ona,  ho renvedizmu Bispo Dom Basilo do Nacimento, Dr José Ramos Horta tentativa hela para atu hola parte mós,  iha sai orador ne’e mak Dr Marí Alkatiri ho maun boot Xanana Gusmão sei tentativa hela”, Ktak nia.

Nia dehan, lansanmentu kona-bá peskiza eleitoral ne’e ohin sira no esplika uituan ba PR kona-bá Prosedimentu sira, relasiona ho peskiza ne’e rasik nune’e sei rekomenda ba governu no mós ba iha Parlamentu Nasionál.

“Purtantu ida ne’e lansanmentu ba peskiza eleitoral tanba ne’e mak ohin ha’u mai hasoru Prezidenti  Repúblika,  esplika uituan kona-bá Prosedimentu sira hotu liu-liu kona-bá peskiza nian,  i rezultadu peskiza sira ne’e nia utilidade provetamentu sira ne’e bo’ot tebe-tebes para mais tarde atu rekomenda ba iha governu, rekomenda ba iha Parlamentu Nasionál (PN)”,  Nia esplika.

Nia hatutan matéria peskiza sira ne’e mós sai referensia ba estudante sira,  ida ne’ebé atu halo estudu ba S1, masteradu ka doutoramrntu tanba ne’e rezultadu peskiza ne’e sira lansa parake mais tarde sai hanesan referensia.

 Iha audensia ne’e Prezidenti Repúblika Francisco Guterres “Lú Olo” mós aseita no sei marka prezensa mós iha momentu lansanmentu ba aktus eleitoral ne’e

“Tanba ne’e ohin ami mai prezidente Repúblika aseita atu hola marka prezensa iha momentu abertura iha lansanmentu ba rezultadu peskiza akta eleitoral iha loron 12 fulan Agostu”,  Tenik nia.*Jos