Komunidade iha Suku Railaku Leten iha Ermera Menus Bee-Mos
Naunil Media (Ermera), Xefí suku Railaku Leten, Postu Railaku, Munisípiu Ermera Victor Boavida Ferreira Soares,Informa kamunidade Railaku ladun asesu ba bee-mos, tanba bee menus.
“Ami iha suku Railakau leten, ami iha aldeia hamutuk 5 mak hanesan; aldeia Tulesu, aldeia Darema, aldeia Coloinamo, aldeia Tuleru, maibé ami iha aldeia ida de’it mak hetan bee-mos, mak Aldeia Manokolei, no aldeia 4 ne’ebé mak laheletan bee-mos, sira mai kuru hamutuk iha Aldeia ida”, Dehan xefí suku Railaku Leten Victor Boavida Ferreira Soares ba jornalista sira iha Sede suku Railaku Leten, kuarta(04/08).
Xefí suku ne’e hatutan, ami halo ona rekomenda no ko’alia ona ba iha ministériu estatal atu haree ba prosesu bee-mos, maibé ha’u fiar katak iha tempu badak ami sei hetan bee-mos ne’ebé mak falta, tanba ministéru estatal mai vizita, ha’u rasik mak informa ona no dadaun ne’e lao hela, tanba PNDS mós hahú halo ona.
Ni a hateten, Durante ne’e Aldeia 4 kuru bee iha ida-idak nia Aldeia, maibé bee matan maran no komunidade sira lao liu kilo mertu 1 tó 2 mak foin hetan bee-mos.
“Ha’u hatóona proposta ba autoridade relevante sira, maibé ita mós haree ita nia governasaun lao hela ha’u fiar katak ami rekomenda ona ba governu maske ho neneik, maibé nia sei tó mai ita”, katak nia.
Iha suku Railaku Leten ho nia komunidade hamutuk 2.113, no uma kain hamutuk 300. INA
