Populasaun iha Munisípiu Ermera Vasina Foin Atinje 2%

Naunil Media (Ermera),  prezidenti Autoridade Munisípiu Ermera, Euzebiu Salsinha, Informa  Munisípiu Ermera vasina foin mak atinje 2%.

“Ami halo ona diskusaun ba vise  ministru saúde nian kona-ba taxa vasinasaun nian ne’e Ermera nia partisipasaun ba vasinasaun iha 2% de’it,  no  komparasaun ho Díli liu ona 75%,  entaun buat sira ne’e lori fali risku mai Ermera, dadaun ne’e ita haree moras ne’e sae ona ba 580, tanba ne’e konsellu monistru halo ona reuniaun eztra ordinaria desidi atu halo Konfinamentu Obrigatoriu (KO) ba postu Ermera ho Railaku”,  dehan  prezidenti Autoridade  Munisípiu Ermera Euzebiu Salsinha ba jornalista sira iha sede suku Railaku Leten, Kuarta (04/08).

Nia hatutan, ida ne’e ha’u mós hasai ona sirkular ida hodi halo duni konfinamentu obrigatoriu (KO) ne’ebé vadidi ona iha loron 2, iha parte seluk sei dauk  halo sosializasaun, tanba ne’e partisipasaun ne’e menus, no komunidade sira rona liu ba  hoax  ne’ebé mak iha media social,  simu vasina halo ema mate tanba ne’e komunidade sira tauk.

“Ohin vise ministru saúde ho nia eipa sira tó  ona hodi halibur Autoridade lokal sira,   hodi esplika katak moras ne’e lori risku ba ita nia komunidade sira,  di’ak liu simu vasina atu nunue’e ita bele lao livre,  no bele halo atividade sira ho liberdade laiha limitasaun ruma’,  Katak nia.

Nia dehan, kona-bá vasinasaun ne’e hanesan ezemplu ida,   vise ministrusaúde fó sai atu bele lideransa lokal sira simu uluk vasina,  atu nune’e bele komunidade sira bele tuir simu hotu vasina,  iha povu nia partisipasaun atu simu vasina ne’e sira laiha duvidas.

“Iha loron hirak liu ba ami halo ona konfinamentu obrigatoriu ba postu Railaku ho Ermera no Polísia  Nasionál Timor-Leste (PNTL,  mós halo ona pasa revista ba pasazerus sira ne’ebé lao ba mai, ema sira ne’ebé mak seidauk simu vasina dala 2 saidauk bele halo sirkulasaun ba mai, wainhira simu ona vasina daruak sira bele halo sirkulasaun ba mai”,  Nia haktuir INA