Adaljíza: Singapura Rezeita TL Tama ASEAN Ne’e Lalos

Naunil Media (Díli), Ministera Negósiu Estranjeiru no Kooperasaun (MNEK) Adaljíza Albertina Xavier Reis Magno,  Hateten informasaun ne’ebé mak espalla iha média Sosiál katak Singapura rezeita Timor-Leste (TL) atu tama ba ASEAN ne’e informasaun lalos ou Hoax.

Lia hirak ne’e Ministra Negósiu Estranjeiru no Kooperasaun ható ba jornalista sira hafoin hamutuk ho Vice Primeiru Ministru José Reis relata rezultadu partisipasaun Timor-Leste nian iha Simeira CPLP ba Prezidente Repúblika (PR)  Francisco Guterres “Lú Olo” iha palásiu Prezidenti Nicolau Lobato Bairru Pite,  Sexta (06/08).

“Se mak dehan singapura rezeita imi rona informasaun husi ne’ebé?  foin oriseik Ministru Negosiu Estrajeiru ASEAN nian iha Reuniaun depois hasai komunikadu ida, imi jornalista ba haree komunikadu ne’e iha pontu 88 hateten kona-bá pozisaun sira nian no preparasaun Timor-Leste adere ba ASEAN”,  hateten Ministra.

Ministra hatutan, Agora iha preparasaun bainhira mak Timor-Leste tama membru ASEAN,  tanba ne’e mak nia husu jornalista iha fontes ne’ebé mak kredibel no informasaun ne’ebé mak dehan Singapura rezeita ne’e lalos.

“Koserteza lalos imi bele haree vidio sira ne’e Hoax falsu, tanba ne’e tenke buka tuir informasaun ne’ebé mak kredibel, di’ak liu lalika halo notisia ne’ebé mak falsu ida ne’e ladun di’ak ba ita nia país,  ne’e mós prejudika ita nia koperasaun ho país ASEAN,  sira orseik sira hasai komunikadu ida parte ami nia média hasai ona komunikadu ida kona-bá Ministru Negosiu Estrajeiru sira nian,  oinsá sira asiste Timor-Leste atu sai membru ASEAN, kerdijer laiha ona rezerva nein husi kada país sira loron ida TL sai membru ASEAN”, katak nia.

Nune’e mós Rekejitu saida  mak Timor-Leste Presiza atu halo bele tama ba membru ASEAN,  hatan ba kestaun ne’e Ministra hateten rekezitu presiza iha pilar Tolu.

“Rekejitu imi tuir hela prosesu sira ne’e foin dadauk semana kotuk,  ami iha reuniaun ho parseria dezenvolvimentu ami aprezenta hela kona-bá preparasaun oinsá ita bele tama ASEAN, rekejitu sira mak oinsá prepara diak liu tan iha assuntu pilar tolu, mak assuntu ekonomiko, sosiál kultural no politíku, imi hotu tuir prosesu muito bem, no sira halo hela levantamentu uluk sira mai ona agora sira liu husi Virtual no prosesu sira ne’e lao diak hotu ona”,  Dehan nia.

Ministra hatutan,  Rekejitu sira ne’e halo hotu ona nia prosesu sira ne’e,  oinsá buka tempu ne’ebé mak oportunu para atu bele finaliza sasan sira ne’e hotu.

Nia mós husu jornalista sira atu buka tuir imformasaun sira ne’ebé kredibel no justu mak hatun ba públiku.

Nune’e mós kona-ba Orgaun eleitoral sei halo resenseamentu eleitoral Diaspora oinsá Governu identifika fatin ba ida ne’e hatan ba ida ne’e Ministra hateten,  fatin la muda fatin nafatin hanesan uluk ne’ebé MNEK ho STAE, halo resensiamentu no hodi bainrua Konsellu Ministru aprova ona Rezolusaun ida para atu halo resensiamentu iha rai liur mak hanesan iha Austrália, Portugal, Inglatera no Korea do Súl,  no tempu badak sei ba atu halo resensiamentu, Dehan nia.

Iha Fatin hanesan Vice Primeiru Ministru Jose Maria dos Reis mós husu jornalista sira katak bainhira atu hasai notisia ba iha públiku, , ho notisia ne’ebé mak kredibel nune’e labele hatudu Timor-Leste nia imajen ne’ebé mak ladiak ba iha rai liur. *Jos