FEATUREDIkus LiuNewsPolitika

PD Simu Afiliasaun Husi Movimentu Futuru

Fahe Tutan

Naunil Media (Díli), Partidu Demokrátiku (PD) simu afiliasaun  husi movimentu futuru hamutuk.

Razaun tanba durante ne’e inklina iha Partidu FRETILIN, CNRT ho PLP, maibé abandona no izola sira.

Portavoz Movimentu Futuru, Placidio João Alves Hateten, movimentu futuru agradese no hakuak bo’ot raan maluk husi partidu seluk ne’ebé abandona no izola durante  involve-aan.

“Maibé ami hamutuk no ami hamahan  a’an iha movimentu futuru, iha pensamentu ida, prinsípiu ida katak raan maubere, raan timoroan prontu servi Timor”, Dehan porta-voz, liu husi konferensia Imprénsa iha Sede Partidu Demokrátiku, Kolmera Kinta (05/08).

Placidio hatutan, Maibé organizasaun movimentu futuru iha nia forsa polítika no iha territóriu Timor husi nasionál tó aldeias ho total apoiantes 23.982, nune’e  husu ba raan maluk sira hotu atu lalika fiar rumoris no propaganda falsa ne’ebé so’e atravesa husi média sosiál atu estraga prinsípiu luta ba dezenvolvimentu nasionál.

“To’o ona tempu jerasaun foun ajusta nia forsa polítika hamutuk Partidu Demokrátiku,  nu’udar alternativu, hodi atinje ita nia metas ba dezenvolvimentu nasionál”, Katak nia.

Nia afirma, ho ida ne’e mak  konvida raan maubere no raan timoroan ne’ebé mak sei hola parte iha movimentu future,   mai hamutuk Partidu Demokrátiku hodi liberta povu maubere  iha konstextu dezenvolvimentu nasionál, tuir prinsípiu heroi aswain no martires sira ni’an.

Nune’e mós hakuak bo’ot no agradese ba kompaneiru Januario Gomes, Onorio Gomes membru Konsellu Politíku Nasionál (CPN),  ne’ebé mak hetan karta kredensiál husi Prezidenti Partidu Demokrátiku nian,  hodi halo aproximasaun ho movimentu futuru ne’ebé iha ona konsensus polítiku ida.

“Ami mós  lahaluha agradese ba partidu PLP, FRETILIN no CNRT ne’ebé mak fó ona ninia dedikasaun, espiritu luta, iha tempu ne’ebé mak ami aprende iha era konstituisaun RDTL,” Tenik nia.

Tanba ne’e,hot-hotu mai ho ideia no pensmentu foun hakarak konstrui RDTL tuir aswain sira prinsipiu luta ba ukan-a’an, Nia dehan. Ana

Leave a Reply

Your email address will not be published. Required fields are marked *