Kapitaun Helder Valente Ofisialmente Sai Ona Husi Lalenok United
Naunil media (Díli), kapitaun Lalenok United Helder Valente Ofisialmente sai ona husi Lalenok United no haforsa fila fali Sporting Clubu de Timor.
Lia hirak ne’e hato’o husi eis kapitaun Lalenok United Helder Valente, ba Naunil Media hafoin hala’o treinu ho Sporting Clubu de Timor iha kampu Dom Bosco Comoro Díli, segunda (09/08).
“Ha’u sai husi Lalenok United tanba ha’u rasik mak hakarak tanba kestaun tempu agora ha’u hala’o hela estajiu iha instituisaun balun tanba ha’u labele hala’o treinu hanesan uluk tanba ne’e ha’u deside sai husi Lalenok United hodi mai reforsa fali Sporting Clubu de Timor” dehan Helder
Helder mós rekoñese katak, nia prestasaun ida uluk la hanesan ho agora tanba treinu mak ladún mazimu
Maske treinu ladún masimu tanba kestaun de servisu maibé Sporting Clubu de Timor simu nafatin jogador Helder Valente tanba iha ona esperiénsia.
Entertantu tuir informasaun ne’ebé espaila iha rede sosial hatete katak kapitaun Lalenok United Helder Valente sai husi Lalenok tanaba kestaun salariu ne’e Helder hatete ne’e la loos
“Ha’u Lori Lalenok husi Lalenok ne’ebé mak ema seidauk konese ami joga la’ós ho salariu maibé ami joga ho fuan ne’ebé ha’u sai husi Lalenok tanba la’ós salariu maibé tanba ha’u iha atividade ne’ebé barak liu”, Katak nia
Helder hatutan, mai Sporting suporta de’it nia kolega sira ho esperiénsia ne’ebé mak nia iha maibé atu joga ou la joga sei deside husi treinador
Enkuantu tó oras ne’e Helder Valente seidauk simu kontratu husi Sporting Clubu de Timor.
Helder Valente hahú reforsa Klubu Lalenok United no sai hanesan kapitaun fa ekipa Lalenok United desde tinan 2017 iha ne’ebé Lalenok sei iha divizaun 3 no konsege promove Lalenok United ba iha divizaun 2 iha tinan 2018 .
Iha tinan 2018 Helder Valente ho nia ekipa susesu lori Lalenok United ba iha divizaun 1 hafoin okupa iha segundu klasifkasaun.
Iha tinan 2019 kapitaun Helder Valente susesu lori Lalenok United sai tribel winner Liga futebool Amadora (LFA), Tasa 12 de novembru no mos super tasa.
Iha tinan 2020 Helder ho ekipa Lalenok Unted susesu hit tan tasa rua mak Kopa Federasaun Futebool Timor Leste (FFTL), no mos Tasa 12 de novembru.
