Komemora 20 Agostu Jerasaun SALAU Husu Líder Sira Hamutuk
Naunil Media (Díli), Komemorasaun Loron FALINTIL 20 de Agostu Jerasaun husi Postu Administrativu Soibada Munisípiu Manatuto husu ba líder nasionál sira liu-liu veteranus sira atu fó liman ba malu.
Gil Sarmento da Costa ho kodigu “LAWAI” ható lia hirak ne’e ba jornalista sira hafoin enkontru ho Prezidenti Repúblika (PR) Francisco Guterres “Lú Olo” iha palásiu Prezidenti Nicolau Lobato Bairru Pite, Tersa (10/08).
“Hanesan jerasaun Salau oan ne’ebé uluk iha tempu ne’ebá asegura FALINTIL sira, ami hanesan jerasaun foin-sae Salau oan liu-liu komemorasaun 20 de Agostu agora ami husu liu-liu ba nain ulun sira, liu-liu ba Nai veteranus sira ne’ebé mak uluk subar hela iha Salau atu fó liman hamutuk tau hanoin hamutuk para atu lori nasaun ne’e lao ho didiak”, Dehan Gil Sarmento
Tuir nia tanba agora iha situasaun ida ne’ebé mak agora sira mós sente ladun kontente halo líder sira lafo liman ba malu lalao hamutuk tanba neye mak hanesan jerasaun foin-sae husi labarik ne’ebé mak hodiseik hodi bainrua fo hela apoiu ba ba maun sira ne’ebé mak subar iha Salau too ukun aan, Drhan nia.
Nia mós ejiji ba líder nasionál sira liu-liu veteranus sira ne’ebé mak uluk subar iha Salau atu bele fó liman ba malu hamutuk atu bele lori nasaun bele la’o ba oin.
“Ami ejiji tebes ba maun sira atu fó liman ba malu atu bele lori nasaun ne’e ba oin”, Nia tenik
Iha biban ne’e Prezidenti Repúblika (PR) Francsico Guterres “Lú Olo” mós hateten lei ne’ebé mak agora dadaun veteranus sira prepara no husi lei ne’e seidauk iha ida mak ko’alia kona-bá labarik sira nia partisipasaun iha funu, tanba ne’e mak aban bainrua labarik sira ne’ebé mak fó sira nia kontribuisaun ba rai ida ne’e mak karik komisaun rekoñese no halo lei ida mak Prezidente Republika mós pronto atu aprova.
Nia hateten karik lei ne’e mak iha, Prezidente Republika sei la veta, maibé Prezidenti Sei promulga atu nune’e bele rekoñese mós labarik sira nia kontribuisaun iha luta hanesan mós ema boot seluk ne’ebé mak luta ba rai ida ne’e. *Jos
