FEATUREDIkus LiuNewsSaude

MS Halo Lansamentu Matadalan Ba Moras La Hadaet

Fahe Tutan

Naunil Media (Díli), Ministeriu saúde liu husi Diretora Jerál Odete da Silva Viegas, Halo lansamentu ba moras fuan ne’ebé mak organiza husi Diresaun Nasional kontrolu doensa departamentu moras la hadaet.

“Ida ne’e atu prepara mós matadalan profisional bele utiliza ba ita nia profesional saúde sira,  iha ita nia espetativa ne’e hahú kedas husi sentru saúde sira, postu saúde no mai tó iha Hospitais referal i Hospital nasionál”. Dehan  diretora Jerál Odete da Siva Viegas ba jornalista sira iha Otel JL Villa Fatu-Hada, Tersa (10/08)

Nia hatutan,  iha tinan 2018 peskiza ida ne’ebé mak halo husi menzis school,  hamutuk mós ho Ministériu saúde no INS hala’o ona  peskiza ba moras ida ne’e iha munisípiu Díli no Ermera.

“Peskiza Ida ne’e detekta ka hetan mós ita nia labarik sira sofre moras fuan, husi labarik sira menus de 6 anus ho Ninia persentajen 2%. Ida ne’e ita bele hatete katak ne’e iha munisípiu Rua deit”, Katak nia.

Ita haree mós ba iha munisípiu sira seluk, ita bele hatete númeru bele sa’e liu ida ne’e, entaun moras ida ne’e mak ita la detekta antes, iha futuru labarik sira ne’ebé moris mai Sei bele hetan moras fuan no tó bo’ot,  mós sei nafatin dezenvolve moras fuan ne’e i sai mós preukupasaun ba iha estadu liuliu ba Governu Timor-Leste, Nia haktuir.

Ikus liu nia dehan, Durante ne’e MS la servisu mesak, maibé servisu hamutuk ho parseiru sira ne’ebé involvimentu  hanesan menzis school, Maluk Timor, IS TIMOR HAK FUN, ne’ebé mak durante ne’e servisu hamutuk, mós ho klinik bairru Pite, no haruka ona ita nia labarik sira moras fuan ba ema hamutuk na’in 15.  LTS

Leave a Reply

Your email address will not be published. Required fields are marked *