FEATUREDGeralIkus LiuNews

Loron Konsulta Popular Importante Ba Povu TL

Fahe Tutan

Naunil Medía (Díli), Diretór Exekutivu Forum Organizasaun Não Govenamentál Timor-Leste FONGTIL, Daniel Santos do Carmo informa, Loron konsulta popular ne’ebé monu iha loron (30/08), ne’e sai hanesa Loron Importante ba povu Timor-Leste atu komemora loron                Importante ne’e.

“Loron konsulta popular ne’e loron povu nian, ita nia esforsu mak oinsa ita nia populasaun sira mantein disiplina no promove nafatin ita nia vontade kontinua kontribui ba ita nia rain, Maske dadaún ne’e ita iha situasaun defisil nia laran”  Diretor Exekutivu FONGTIL, Daniel Santos do Carmo ba jornalista sira iha Salaun Fontil, segunda(09/08).

Nia haktuir, Loron konsulta popular loron ne’ebe importante ba populasaun Timor-Leste nian maibÉ atu komemora loron ida ne’e ita la presija halo festa bo’ot no gasta osan barak.

“komemora iha ita nia fuan no importante mak  kontinua nafatin atu eduka  ita nia oan, ita nia joven inklui ita nia populasaun sira importante mak tau importansia ba loron 30 de Agustus nian ba ita nia historia no ba ita nia Nasaun ida ne’e mak importante, Maske ita iha situasaun sira ne’ebé mak iha problema ekonomiku, problema sosiál barak maibé ita tenke nafatin iha esperansa katak ho 30 de Agustus, hatudu tan dala ita ba ita oinsa ita bele hamutuk  funu hasoru inimigu ne’ebé mak iha,”  niaesplika.

Ikus liu nia hateten, 30 de Agustu ne’e ita hasoru Indonesia hodi duni sai inimigu ne’ebé ita hare no agora ita tenki hamutuk ita nia estadu  atu duni inimigu ne’ebé ita lahare tanba ida ne’e mak ita nia inimigu. INA/EMJ2 

Leave a Reply

Your email address will not be published. Required fields are marked *