Ataúru Sai Munisipiu, Salvador Sei Prepara Infrastura Bázika
Naunil Média (Díli), Ministru Obras Públika (MOP), Salvador Pires Informa, sei halo preparasaun infrastrutura bázika iha Postu Administrativu Ataúro hafoin bele muda ba Munisípiu.
MOP sei bolu ajensia ekonómika tutela sira hanesan Eletrsidade Timor-Leste EDTL, Be’e Timor-Leste BTL para ajuda instalasaun infra-estrutura bázika ba Ataúro hanesan Munisípiu ne’e iha ko’ordenasaun ho Ministériu Administrasaun Estatál (MAE).
Tanba hari’i administrativa MAE nian ne’ebé ita koordena ho sira atu hare’e kada planu investimentu saida maka ita atu halo, tanba ne’e sei halo planu ba estrada sira liu-husi institutu ekipamentu no Jestaun hodi halo atendimentu no hadia di’ak estrada iha Postu Administrativu Ataúro”, Dehan MOP Salvador Pires, iha Palásiu Governu, kuarta (11/08).
Membru Governu ne’e akresenta, instalasaun infrastrutura bázika ba Ataúro hanesan estrada, be’e-moos, eletrisidade, atraves de institutu gestaun ekipamentu (IGE sigla portugés) halo hela atendimentu melloramentu estrada koberturada atu movimentasaun povu nian, liu-liu ligasaun ho sira nia atividade ekonómika, atu labele hetan distrusaun para bele kontinua la’o. ANA
