FEATUREDIkus LiuNewsPolitika

CNRT Ejiji Governu Atu Investiga Kompaña Ne’ebé Distribuisaun Programa Sesta Bazíka

Fahe Tutan

Naunil Media (Díli), Deputadu Bankada Opozisaun Congresso Nacionál de Reconstrução de Timor (CNRT) Arão Noe de Jesus Amaral informa, ejiji ba governu atu loke investigasaun ba kompaña ne’ebé deskonfia komete erru, durante hala’o distribuisaun programa sesta bázika ba popukasaun.

 “Preokupasaun ida ne’e loos duni, tanba ha’u hare’e husi totál programa ne’ebé fahe sasan ba komunidade sira simu, tuir ha’u nia observasaun, peskiza no monitorizasaun husi asosiasaun balun ne’ebé akompaña katak, husi totál osan $50.00 (dolar lima-nulu) sira fahe la to’o $20.00(dolar rua-nulu). Entaun restu $30.00 (dolar tolu-nulu) ba ne’ebé?, tan ne’e maka ha’u hakarak hatete tenke halo investigasaun,”dehan Arão Noe de Jesus Amaral, iha Parlamentu Nasional, kuarta, (11/08).

Deputadu ne’e hatutan, programa sesta bázika ba kada família iha faze dahuluk no segundu ho osan montante hamutuk $50.00 (dolar lima-nulu), hafoin simu dala ida tuir planu ne’ebé maka iha.

“Hare’e ba programa ne’ebé Governu aprova ne’e katak, kada ema ida hetan sesta bázika ne’e, iha fulan-dahuluk $25.00 (dolar rua-nulu-resin-lima no daruak $25.00 (dolar rua-nulu-resin-lima, ne’ebé soma hamutuk hetan $50.00 (dolar lima-nulu) tuir planu fó dala ida nian.

Pior liu iha programa ne’e hahan balun dodok, balun la kompletu, ida ne’e mós kompaña nafatin ba fahe. Tan ne’e tenke investiga atu foti sansaun nune’e kompaña bele responsabilidade ba aktu ida ne’e,” eis Prezidente parlamentu ne’e esplika. Ana

Leave a Reply

Your email address will not be published. Required fields are marked *