Longuinhos: Rekoñese Estudante Barak Seidauk Hetan Pulsa

Naunil Media (Díli), Ministériu Ensinu Superior siénsia no kultura (MESSK), Longuinhos dos Santos hateten, estudante ensinu Superior barak maka seidauk hetan pulsa telemóvel, tanba lakompleta kritériu.

“Estudante barak maka la asesu ka la hetan pulsa ne’e, iha pontu rua ne’ebé maka sira la kompleta. Tanba sira nia númeru la rejistu iha Universidade relevante, no ida fali parese sira nia númeru telefone ne’e blokeia ka taka ona, entaun estudante sira la kompleta kritériu sira ne’e preparadu hodi rejistu iha universidade”, dehan Ministru Longuinhos, iha Palasiu Governu, kuarta, (11/08).

Ministru hatutan, estudante sira ne’ebé maka seidauk hetan pulsa bele halo registrasaun iha Universidade ida-idak atu nune’e bele hato’o ba MESSK.

 “Husu ba estudante sira ne’ebé la hetan pulsa bele informa ba universidade relevante hodi rejistu estudante sira nia númeru telefone nune’e bele enkamina ba MESSK, depois haruka fali ba Ministériu finansa liu-liu ba medida orsamentu ne’ebé mak investe iha CoviD- 19 nia”,MESSK esplika. Ana