FEATUREDIkus LiuNewsSaude

Postu Saúde Macadique Menus Aimoruk Inklui Ambulansia

Fahe Tutan

Naunil Média (Viqueque), Diretor Postu Saúde Macadique, Postu Administrasaun Uatulari, Munisipíu Viqueque informa Postu Saúde refere menus aimoruk inklui ambulansia hodi difikulta pasiente sira bainhira halo tratamentu ba sira-nia Saúde.

Tuir Diretor Placido da Silva, Postu Saúde Macadique preukupa tebes ho aimoruk inklui ambulánsia, tanba karik moras urgente ruma pasiente sira bele utiliza fali transporte privadi.

“Ami postu saúde nia preukupasan maka ema mai konsulta, maibé aimoruk lakompletu, transporte araska, tanba dala barak ema moras ruma ou liu-liu partus ambulansia laiha hodi lori ba postu saúde, entaun ema barak liu maka partus iha uma de’it. Karik moras urgente ruma iha, ami lori suru tau, no haruka nia familia hodi tula ba kareta privadi lori ba sentru Saúde Komunitari (SSK) Uatulari”,dehan Placido ba jornalista Naunil média foin lalais, iha aldeia Osso-lari, Suku Macadique, Postu Uatulari, Munisipiu Viqueque.

Diretor ne’e rekomenda sira nia preukupasaun ba parte relevante hodi fasilita ambulansia hodi bele kombre ba área Macadique.

“ami atu rekomenda ami-nia preukupasaun maka husu ambulansia ida para kombre Suku Macadique laran ,tanba iha postu Saúde Macadique populasaun barak no área luan,”nia informa.

Iha Fatin hanesan komunidade Afonso da Silva aumenta, komunidade iha área rural sira ladun asesu ba hospital, tanba problema ho ambulansia laiha. Tan ne’e maka komunidade ne’e husu ba parte relevante hodi fasilita ambulansia hodi salva komunidade sira-nia vida.

“Postu saúde Macadique problema maka transporte, tanba ema ne’ebé maka atu partus ou moras bo’ot iha aldeia rural atu tun mai ladi’ak tanba transporte laiha. Tanba ne’e Ha’u nia rekomendasaun ba parte relevante liu-liu ba saúde aranja kondisoens ida ba ami postu Macadique para fasilita populasaun ne’ebé presija tebes hodi salva nia vida”,komunidade hato’o.

Postu saúde refere, pesoal saúde hamutuk nain 9, kompostu husi parteira nain 2, infermeiru nain 3, farmasista nain 1,mediku jéral nain 1, voluntáriu nain 2.RIT

Leave a Reply

Your email address will not be published. Required fields are marked *