Médiku Sira Rekomenda PR Labele Halo Viajen
Naunil Media (Manufahi), Xefí Caza Sivil Francisco Maria de Vasconcelos, Hateten médiku sira mak rekomenda ba Prezidenti Repúblika Francisco Guterres “Lú Olo” atu labele sai lai ou viajen.
Xefí kaza sivil ható lia hirak ne’e ba jornalista sira hafoin representa xefí estadu bainhira vizita Institutu Dom Boaventura, iha Manufahi, segunda (16/08).
“Prezidenti Repúblika la mai tanba médiku sira rekomenda prezidenti atu labele sai lai mas prezidenti la kansela ne’e Prezidenti adia viajen ne’e, maibé médiku mak hateten prezidenti rasik hakarak mai vizita munisípiu rua Manufahi no Ainaro”, Dehan Xefí Caza Sivil Francisco Maria de Vasconcelos.
Nia hatutan, Maibé tanba rekomendasaun entaun prezidenti rona i prezidenti dehan katak nia lakansela, maibé nia adia vizita ida ne’e Dotor mak hatete dehan katak agora labele sai lai.
Maske Prezidenti Repúblika la vizita, maibé mensajen ható hela ba povu Manufahi, katak agradese ba preparasaun ne’ebé halo ona no husu deskulpa ba sira.
“Prezidenti laiha intensaun atu adia vizita iha dalan klaran, tanba PR rasik hatene komunidade sira ninia preparasaun atu hodi simu ninia vizita”, Dehan nia.
Tuir data antes ne’e Prezidenti Repúblika sei halo vizita ba iha munisípiu Manufahi no kuntinuasaun vizita PR ba iha munisípiu Ainaro, maibé ho rekomendasaun médiku sira nian mak xefí estadu adia vizita refere no tuir planu sei vizita munisípiu rua refere iha tinan ida ne’e. *Jos
