PR Vizita Grupu Kooperativa Kafe Timor Iha Ainaro
Naunil Media (Maubisse), Prezidenti Repúblika liu husi Xefí Kasa Sivil Francisco Maria De Vasconcelos ho ekipa Vizita Grupu Kooperativa kafee Timor iha Munisípiu Ainaro posto administrativu Maubisse, iha vizita ne’e manajer Kafe Timor husu atu hadia Folin Kafe.
Iha vizita ne’e Xefí Casa Sivil Francisco Maria De Vasconcelos ba jornalista iha Maubisse Segunda 16/08/2021, hateten ohin vizita Grupu Kooperativa Kafe no mós Grupu Haburas Maubisse ne’ebé mak kuda modo oin oin iha Item 9.
“Sira hatudu duni no iha Progresu diak no Koperativa lao diak iha problema oituan ho merkadu maibé komesa lao diak, no merkadu Defende ba Kualidade, ita produs laos deit ho kuantidade maibé Kualidade merkadu sei nakloke”, katak Xefí Casa Sivil.
Xefí Casa Sivil hatutan, Ohin nia mai haree kafe iha munisípiu tolu iha Ainaro, Manufahai no Aileu iha fatin uniku ne’ebé halo prosedimentu ba kafe.
“Ohin sira mós hateten katak fatin ida ne’e laos deit prosesu ba kafé maibé sira mos fo asistensia akompaña ba Ita nia Agrikultura sira no seluk tan”, Tenik nia.
Iha vizita ne’e Manajer Koperativa Kafe Timor Moises do Rego, Hateten sira sente orgulho tebes tanba Prezidenti Repúblika mai vizita direita sira nia atividade.
“Ami sente orgullu bainhira ita nia Prezidenti Repúblika mai partisipa iha ami nia Kooperativa kafe Timor, nu’udar sidadaun ami sente orgullu iha oportunidade ne’e ami mós ható agradese wain, tanba ho udan ne’ebé mak makaas, maibé lalakon komfiasan atu mai vizita ami nia kooperativa ida ne’e”, Dehan nia.
Manajer Kooperativa Kafe Timor ne’e mós Husu Prezidenti Repúblika nia apoiu ba Kooperativa, no husu atu hadia mós kafe nia folin tuir komunidade sira nia hakarak, tanba komunidade sira hakarak produtu ne’ebé mak folin diak.
“Agora kafe nia folin ami hola iha Terenu 36 centavos, maibé bainhira akumula mai sentral Aitalu 42 centavos, ita bo’ot sira hatene 36 centavos ne’e kafe nia folin tuir merkadu internasional, maibé 6 centavos ne’ebé mak ami akumula sai 42 centavos ne’e ami selu kareta ne’ebé mak tula ba mai no empregador sira mós ami seluk kedas ona ne’e mak akumula 42 centavos ne’e”, katak nia.
Nia hatutan, Produsaun tinan ida ne’e folin sae makaas liu tinan rua no tolu liu ba, tanba tinan ida ne’e sira hetan ona 19 Mill toneladas, no tinan hirak liu ba tarjetu labele tó 15 Mill, maibé tinan ida ne’e Produsaun makaas.
“Ami Kooperativa Kafe Timor kusus munisípiu Ainoru, Manufahai, no Aileu, 50 Pessoas ami nia kafe organik ami sei halo ezportasaun ba nasaun ne’ebé Mak ohin loron parseiru Europa ASEAN sente Orgullu, Tanba ne’e ho nia prezensa CCTL sei la halo lakon Ita nia povu nafatin tinan ba Tinan hola kafe”, Nia hakotu. *Jos
