FEATUREDIkus LiuNewsSaude

SIJK Rejista Mate Ida, Total Mate Covid-19 Iha TL-30

Fahe Tutan

Naunil Media (Díli), Sentru Integradu Jestauk Krise (SIJK ) rejista tan kazu óbitu ida no total ema mate ne’ebé mak ba Covid-19 Timor-Leste (TL) tolu nolu (30).

Tuir Koordenador  Rui Maria de Araújo hateten ohin  SIJK rejista kazu ema mate ba Covid-19 na’in ida ho idade 76

“Mane ida ho tinan 76, timoro-an, hela iha Vera Cruz, Díli, diagnostikadu iha loron 13 fulan Agostu tinan 2021, ho sindroma insufisiénsia respiratória aguda (SIRA) tan bá Covid-19  (Teste PCR nia resultadu pozitivu, Cycle Threshold: N2 gene 18,6, E gene 16,2)”,  Dehan kordenador forsa tarefa Prevensaun no Mitigasaun Surtu Covid-19, Rui    Maria de Araújo ba jornalista sira via de komunikadu imprensa,  Domingu (15/08)

Nia mós informa metebian iha istória moras obstrusaun pulmonar krónika (Chronic Obstructive Pulmonary Disease), ho mós istória tratamentu Tuberkuloze.

“Iha loron ne’e kedas transfere ba hala’o tratamentu iha Vera Cruz, tuir protokolu tratamentu Covid-19. Ohin dader, i’is kotu tan bá respiratoric failure. Teste PCR hafoin i’is-kotu nafatin pozitivu (CT N2gene 17,3, Egene 15,2)”,  Informa nia.

Koordenador SIJK ne’e mós argumenta Família kordena ona ho ekipa saúde,  atu hala’o funeral tuir protokolu ne’ebé adopta iha Timor-Leste.

Total kazu mate ba Covid-19 iha Timor-Leste 30 husi Díli 23, Baucau Ida (1), Bobonaru hat (4), Liquiçá Ida (1), no RAEOA ida (1). Ivo

Leave a Reply

Your email address will not be published. Required fields are marked *