FRETILIN Foin Haree Komunidade Díli Halerik Bee-Moos
Naunil Media (Díli), Bankada Apoiu governu paridu Frente Revolusionário Timor-Leste no Independente (FRETILIN), Deputadu Francisco Miranda Branco, Hateten nia parte foin haree ba komunidade halerik ba bee-moos iha área Karega-Tiru, munisípiu Díli.
“Simu telefone husi populasaun sira hela iha Karega-Tiru besik Ponte Maufelo, populasaun sira tanis hateten ba deputadu katak bee-moos laiha, ita ema presiza bee-moos laiha bee”, Dehan nia iha plenária Parlamentu Nasionál (PN), tersa (17/08).
Nia hatutan, Ida ne’e problema bo’ot tanba nesesidade primaria ensensiál ida ba ema mak bee-moos ne’e, horikalan mak ha’u foin haree kuandu bee-moos laiha ne’e susar tebes ba ema.
“Ha’u hanoin governu ida ne’e foin mai iha tinan hira nia laran, nia labele rezolve problema hotu hotu. Maibé ita hanesan nasaun, ita moris ona tinan 20 ita seidauk iha bee-moos iha ita-nia kapitál rasik”, Dehan nia. Ana
