ME: Aloka 28 Miloens Hadia Eskola 16 Iha Ainaro Inklui Territóriu-Nasionál
Naunil Media (Ainaro), Ministeriu Edukasaun Joventude no Desportu (MEJD), Armindo Maia hateten ho orsamentu Jeral ba tinan 2021 Ministétiu Edukasaun hamutuk 28 milloens hodi hadia Escola iha tetitoriu Timor laran tomak inklui mós harii eskola 16 iha munisípiu Ainaro.
Ministru Edukasaun Ható lia hirak ne’e liu Husi Diskursu bainhira akompaña ho Xefí Kaza Sivil iha Salaun Administrasaun Munisipal Ainaro, Tersa (17/08/)
“Hanesan informasaun katak ba 2021 ida ne’e iha teritoriu laran tomak orsamentu Ministériu edukasaun nia aloka serka 28 Miloens premeiru 32 Miloens, maibé tanba inundasaun no dezastre naturais foin lalais ne’e koa tiha 3 Miloens entaun hela 28 Miloens, atu halo saida orsamentu ida ne’e atu hadia no harii Ekcola besik atus rua ho sala de Aulas besik atus walu iha teritoriu laran tomak ne’e ba OJE 2021 “, Dehan nia.
Armindo Maia hatutan, Husi Orsamentu 28 Miloens harii eskola iha teritoriu Timor laran tomak, inklui sei hadia mós eskola balun ne’ebé mak a’at iha munisípiu Ainaro.
Membru governu ne’e hataten, Orsamentu ida ne’e atu hadia no harii eskola besik 102 ho sala besik 108 iha territoriu laran tomak ne’e ba tinan 2021 maibé prosesu lao kleur tamba Covid-19.
Maibé agora prosesu lubun ida iha ona prosesu aprozionamentu atu halo konkursu
“Ba Ainaro partikular orsamentu 2021 hamutuk iha eskola 16 ho sala aula 52, ida ne’e la inklui eskola Kafé espera katak tinan ida ne’e ita komesa book uituan ona”, Dehan nia.
Ministeriu Edukasaun hakarak bainhira mandatu VIII governu konstitusionál remata se la konsege remata pursentu 100, maibé pelumenus pursentu 90 infrastrutura edukativa ne’e bele prense ona.
“Nune’e mós ba rekursu humanu kadavez ami vizita ba munisípiu sempre iha perguntas profesor la too entaun orsamentu ba 2021 ita iha vagas rekruta 975 profesor ne’ebé mak prosesu lao dadaun ona, ita espera katak bainhira novembru ita bele remata ona prosesu”, Katak nia.
Nia dehan, Ba Ainaro nia parte la hetene hira maibé ida ne’e atu responde ba profesor sira ne’ebé mak barak fila ona ba Aman Maromak, profesor invalidu, tama ona reforma sira ne’ebé muda ba fatin seluk nee 975 vagas, maibé 2022 mós ita sei haree atu hatama tan vaga ha’u la hatene hira maibé ne’e orsamentu 2022, Dehan nia.
Nune’e mós Koordenadór Encino Bázika Filial Um Dois Caiçero, Gil Vicente husu governu atu hadia eskola ne’ebé aat no mosy apoiu komputador, biblioteka inklui aumenta professor
“Ami presiza komputador hodi halo retoriu ou pontus ezame no ami presiza tan professor tanba iha ne’e profesor balun kondisaun moras grave”, Dehan nia.
Nune’e mós reprezentante Povu iha uma Fukun Parlamentu Nasional deputadu Antonio Verdial hatutan husu Ministeriu Edukasaun atu realiza promesa ne’ebé mak ható ona ba Povu Ainaro sira.
Ikus Liu, labele promete de’it maibé tenke realiza se la realiza, reprezentante povu ne’e husu povu atu kontinua dere nafatin odamatan Ministeriu edukasaun nia. *Jos
