F-FDTL Hala’o Missa Agradesementu Loron Falintil Ba Dala 46

Naunil Media (Díli), Ohin (19/08) Falintil-Forsa Defesa Timor-Leste (F-FDTL) hala’o missa agradesementu ba loron FALINTIL ba dala 46.

Padre Selebrante Mario de sousa vicente (SDB) haktuir iha nia homilia katak, misa ida ne espesial ba ita nia funu nain FALINTIL sira ne’ebe lakon sira nia isin ruin no ran nafakar ba rai ida ne tan deit atu ukun an.

“Ho momentu ida ne’e ita agradese no hakarak hadomi sira,  maka ita selebra missa espesial eukaristia ida ne’e,  atu sira ne’ebé mate ona nai bele haraik ba sira fatin ne’ebe naroman ba sira”, Dehan padre selebarnte Mario De Sousa liu husi nia homilia iha Igreja Paroquia Motael kinta feira.

Padre selebrante Mario de sousa ne’e mós husu ba ita hotu atu banati tuir funu nain sira nia ain fatin, atu fó buat ida ne’ebé  folin liu iha ita nia moris no ba povu rai ida ne’e,  atu ita kaer metin nafatin espiritu nasionalismu sira nian.

“Iha momentu missa agradesementu ida ha’u hakarak husu ba lider FALINTIL sira ne’ebé  sei moris atu buka tuir nafatin FALINTIL sira ne’ebé mate iha funu laran tó oras ne’e sedauk hetan sira nia ruin, ou restus mortais”, Tenik padre selebrante Mario de sousa vicente (SDB)

istória ida ne’e hanesan mós ho segundo  leitura  neebe hakreke iha  profeta Moises nian,  atu kaer ukun iha rai israel tomak, hodi profeta ne lidera soladadu hodi funu hasoru inimigo mate lakon isin ruin ran nakfakar to’o ikus hetan independensia.

“Ho oportudade ida ne hau mos hakarak husu ba  FALINTIL sira atu lee mós livru ne’e, tanba livru ne’e kolia kona funu ne’ebé hanesan mos ho ita nia FALINTIL lakon isin ruin ran nakfakar maibe to’o ikus folin ho independensia”,  Nia relata.

Iha fatin hanesan komisaun organijadora ba missa agradesementu FAINTIL ba dala 46, kapitaun de infantaria Horasio Batista do santos,  Hatete  missa ida ne ita didika espesial ba heroi Falintil sira ne’ebe la iha ona iha mundo ida ne.

“Missa ida mos atu ita hodi hasa’e orasaun ba falintil sira ne’ebe sei moris liliu ba lider FALINTIL no  kombatentis sira atu Maromak kontinua tau matan nafatin ba sira,  iha situasaun sira haneaan ohin loron ne” dehan capitaun de infantaria Horasio Batiata do santo waihira remata missa agradesementu ne.

Iha missa agradesementu FALINTIL ba dala 46 ne prijidio husi Padre:Mario de sousa vincente (SDB), hetan partixipasaun maximu husi kapitaun mar e guera Hijino Das Neves segundo komandante (PNTL) Mateus Fernandes,  militar  sira husi oficiais no sargentu inklui Veteranus FALINTIL balun.

Hafoin remata missa ne’e  kontinua kedas ba kari aifunan iha semiteriu dos herois Metinaro.  Nel/Emj7