FEATUREDGeralIkus LiuNews

AEP-TL Komemora Loron FALINTIL Ba Dala 46 Ho Seminar Tema Jestaun Petrolifera

Fahe Tutan

Naunil Media (Dili), Asosiasaun Enjenaria Petroleum Timor-Leste, komemora loron FALINTIL ba dala haat-nulu-resin-neen (46), liu-husi atividade seminar ho tema Jestaun Petrolifera.

Tuir Prezidente AEP-TL Noventino Fernandes hateten, luta ba indepensia ne’e nafatin fó inspira ba joven sira hodi kontibui ba dezemvolvimentu.

“Nafatin iha espiritu ida katak, ho FALINTIL sira-nia luta ba ukun rasik an ida ne’e, nafatin inspira para bele hamriik iha kontestu joven sira hodi bele kontribui ba estabilidade Paz ba Timor-Leste,” dehan Noventino ba Jornalista Naunil Media, iha Taibessi, 20/08.

Nia hatutan, objetivu husi komemorasaun ne’e atu partilla mós koñesimentu balun ne’ebé maka iha área petroleo ba joven sira.

“objetivu husi atividade ne’e, partilla informasaun konaba jestaun fundu petrolifera iha Timor-Leste ne’e ba joven no estudante, liu-liu petrolista sira ne’ebé maka hamahan an iha Asosiasaun Enjenaria Petroleo Timor-Leste.

 Liu-husi kontribuisaun ne’ebé maka sira iha, atu dehan mós ita hanaran petrolista ne’e, ema hotu-hotu ne’ebé maka aprende iha termu petroleo iha departamentu petroleo ne’e, ita hanaran petrolista ba pozisaun ne’ebé mak ohin sira tuir seminar ohin loron nian ne’e, hahú husi UNDIL, UNITAL, DIT no husi mós UP 45 Jogja Jakarta”, Prezidente AEP-TL esplika.

Noventino  haforsa, iha tempu seminar ida ne’e, AEPTL mós formaliza membru voluntariu, hodi hala’o atividade tuir planu ne’ebé maka estabelese ona.

“Aumezmu tempu seminar ba loron ohin nian husi AEPTL formaliza membru voluntariu AEPTL ninian, hodi bele hala’o atividade tuir planu programa ne’ebé maka defini tiha ona iha AEP-TL ida ne’e .

Petrolista sira ne’ebé maka mai tuir seminar ne’e, petrolista ne’ebé maka registu ona iha administrasaun AEP-TL, sira iha vontade, iha prinsipiu konfiksaun ida katak, hakarak sai duni membru voluntariu ba AEPTL nian”, nia realsa.

Nia salienta, bainhira ko’alia konaba petróleo, iha pontus 3 ne’ebé maka konsiente.

“Iha AEP-TL ita ko’alia konaba kontestu petroleo, ita konsiente ba tipu tolu (3) 1. Maka atividade petroliferu 2. Maka rekursu petroliferu 3.maka fundu petrolifera, akompana husi Timor-Leste Prezidente Petroleo Club, Prezidente Timor-Leste (TLPPC), aumezmu tempu asosiasaun petroleu konsidera Timor-Leste petroleu Club ne’e hanesan téknika profisional. Tanba ita aumenta hamutuk iha klubu ida naran Timor-Leste petroleu Club ne’e, sira ne’ebe servisu ona iha industria ninian hanesan Timor Gap, AMPN, Timor Resources Bayundan”,nia hato’o.

Prezidente deklara, Membru registradu husi estudante hamutuk ema na’in haat-nulu (40) no tuir loloos membru voluntariu hamutuk ema na’in lima-nulu (50), maibé ida ne’ebé maka ohin ne’e mai la to’o 50, mais ida ne’ebé mai partisipa ne’e hamutuk ema na’in haat-nulu (40). San/Mik

Leave a Reply

Your email address will not be published. Required fields are marked *