FEATUREDIkus LiuNewsSeguransa

UPF Kaptura Sidadaun Indonezia Ida Iha Suai

Fahe Tutan

Naunil Media (Covalima), Komandu Polísia Nasionál Timor-Leste (PNTL) liu-husi Unidade Patrollamentu Fronteira (UPF) kaptura sidadaun indonezia na’in-1  ho naran inisial MDL iha Munisipiu Covalima fronteira terrestre entre Indonezia no Timor-Leste.

Tuir komandante UPF, Superintendente Euclides Belo,hateten,  sidadaun ne’e UPF kaptura liu-husi operasaun rutina iha fronteira terrestre Timor-Leste ho Indonézia.

“Ita kaptura tan sidadaun ho naran inisial MDL nia orijen husi Flores kaben ho Timor-oan ida husi Ainaro, no nia profisaun hanesan profesor kontratadu iha eskola pre-sekundaria privada ida iha Munisipiu Ainaro.

Membru sira halo ona identifikasaun no entrega ona ba ekipa saúde COVID-19 hodi kumpri kuarentena durante loron 14 hafoin sei kontinua halo investigasaun hodi prosesa tuir lei”, dehan Euclides, ba jornalista sira iha Batugade, sexta, (20/08).

Euclides relata, horiseik to’o ohin loron UPF kompaña Bravu Covalima servisu koletivu, kaptura ona Timor-oan hamutuk ema nain 23 ne’ebe kompostu husi nain 21 halo transaksaun ilegal ba kuda, no nain 2 seluk membru GAM ne’ebe kontra regra Estadu emerjensia hodi tama ilegal iha teritoriu Nasional. Ana

Leave a Reply

Your email address will not be published. Required fields are marked *