FC Buibere Fahe Pontu ho S’Amuser Hafoin Empata 1-1
Naunil Media (Díli), Jogu kontinusaun epoka dahuluk primeira Divizaun Liga Timorense Futebool Femenino (LTFF), entre ekipa FC Buibere kontra S’Amuser termina ho score 1-1
Duelo entre ekipa rua ne’e hala’o iha stadion municipal Díli foin lalais ne’e, iha inisiu jogu ekipa rua ne’e hotu hotu hatudu jogu furak hodi halo kontra atake ba malu.
Iha minutu 32 Fc Buiber konsege fura rede S’Amuser liu husi jogador Nilda, jogador ho númeru kamizola 13 ne’e marka golu liu husi suta livre ho nune’e score muda a’an ba 1-0.
Score 1-0 halo jogu kontinua manas liu tan maibé ekipa rua la konsege maraka tan golu to’o jogu parte da huluk termina score nafatin 1-0.
Kontinua ba jogu parte daruak ekipa rua nafatin halo kontra atake ba malu no ekipa S’Asamuer ne’ebé sofre uluk golu desde jogu parte dahuluk, konsege halo mudansa ba tatika hodi halo kontra atake ne’ebé barak maibé la konsege produs golu.
No tama ba iha minutu 89 mudansa ne’ebé halo husi ekipa S’Asamuer konsege rezulta golu, hodi halo emapata score ba 1-1 liu husi jogador Maria, jogador ho númeru kamizola 4 ne’e marka golu liu husi suta livre, hodi halo emapata jogu ba 1-1, no score refere mantein to’o jogu termina. CHAR
