Maske Vasina Kompletu Funsionariu Palásiu Prezidensiál Na’in 38 Pozitivu Covid-19

Naunil Media (Díli), Funsionariu Palásiu Prezidensiál ne’ebé iha sexta semana kotuk ba ne’e halo teste swab hamutuk na’in 38 mak pozitivu Covid-19,  maske maioria mak vasina Kompleta ona.

Xefí Kaza Sivil Francisco Maria de Vasconcelos ható lia hirak ne’e ba jornalista sira bainhira remata teste swab iha palásiu Prezidenti Nicolau Lobato Bairru Pite, Segunda, (23/08).

“Swab ne’e halo tiha kedas iha sexta feira ne’e mai halo swab ba ema sento i tal husi Kaza Sivil no Kaza militár no 38 mak pozitivu Covid-19, ohin halo tan segunda faze hamutuk 174 i lokraik sei iha tan no ohin loron nian ita seidauk hatene so aban mak ita rona rezultadu,  oinsá ita espera katak negativu hotu mas se pozitivu ne’e ita tenke hola medidas para ba guvernu atu oinsá para sira labele daet ba ema seluk tan”, dehan xefí Kaza Sivil Francisco Maria de Vasconcelos.

Nia hatutan,  Medidas ne’e sira halo tanba semana hira liu sira nia estaf na’in tolu ka haat sira halo viajen servisu depois mai iha na’in tolu mak hetan pozitivu .

“Entaun ami mós ba Same ho Ainaro médiku sira iha ne’ebá 32 pesoas infetadu ba virus ne’e iha Same entaun ami viazen ba munisípiu rua ne’e di’ak liu swab”, Katak nia.

Nia hateten,  Maioria simu hotu vasina segunda doze husi Astrazeneca no Sinovac ne’e mak sira halo para medidas ne’e atu prevene.

“La’ós de’it iha palásiu Prezidenti ita presiza halo ne’e para labele prejudika sira nia família fen oan ho laen no mós sosiedade ne’ebé mak hela besik sira”, Tenik nia.

Iha Sexta 20/08 semana kotuk halo teste swab ba funsionariu Kaza Sivil no Kaza militár hamutuk nain 38 mak pozitivu-19,  no pozitivu hirak ne’e agora dadauk iha ona izolamentu Hotel Novo Horizonte.*Jos