SEKOMS Enkorja Jornalista Sira Tenke Iha Koñesimentu iha Dijitalizasaun
Naunil Media (Díli), Sekretáriu estadu komunikasaun sosial, Méricio Juvinal dos Reis “Akara” , Informa hala’o workshop Nasionál ida ohin atu hasa’e tan konesementu jornalista sira iha radiu komunidade kona-bá era dijitalizasaun.
“Workshop ida hanesan ne’e momentu ida ne’ebé mak importante, atu ita hasa’e tan ita nia konesementu hasa’e tan ita nia esperensia no reforsa tan ita nia matenek sira ne’ebé mak durante ne’e ita Iha”. Dehan SEKOMS Méricio Juvinal dos Reis “Akara” Iha nia diskursu iha salaun hotel JL Villa, segunda (23/08).
“Akara” hatutan, Iha era ida agora ne’e era dijital ne’ebé ita tenke ajusta a’an, tanba durante ne’e ita iha meius analok hotu ne’ebé funsiona ho di’ak, maibé depois mudansa teknólojia no dalaruma mós muda ona ema nia pratika atu rona no lee, tanba meius ida agora ne’e modernu liu tan.
Iha Asuntu kona-bá media dijital ka plataforma dijital ne’e, hanesan oportunidade ba radiu komunidade sira tenki aprende no utiliza, tanba durante ne’e ita bo’ot sira konsege aplika ona no pratika balu la’o ona liu hosi radiu streaming, maibé konesimentu ba plataforma dijital ne’e tenke aumenta tan, Nia haktuir.
“Ha’u rona informasaun katak ita nia jornalista balu iha radiu komunidade seidauk iha skil ne’ebé maka’as atu mantein uza radiu streaming, entaun ida ne’e mós persija aumenta”, Esplika nia. Flo/LTS
