SEKOMS Oferese Radiu Komunidade ba Ema ho Defisiensia iha TL
Naunil Media (Díli), Prezidenti konselu radiu komunidade defisiensia Gaspar Afonsu, Hateten agradese ba sekretáriu Estadu Komunikasaun Sosial (SEKOMS) tanba oferese ona radiu ba defisiente sira iha Timor-Leste.
“Ami agradese ba SEKOMS bele oferese ona radiu ba ami, ida ne’e parte ida hanesan implementasaun planu asaun nasionál ne’ebé mak ninia polítika nasionál ne’ebé aprova ona iha tinan 2012, rezolusaun governu númeru 14, no mós ita hakarak hateten ami ema ho defisiensia primeira vez iha radiu”, Dehan Prezidenti konselu radiu komunidade defisiente, Gaspar Afonso ba jornalista sira iha salaun Hotel JL Villa, Segunda (23/08)
Prezidenti htutan, Kona-bá harii radiu komunidade ba ema ho defisiensia, ne’ebé ami hasoru difikuldade barak, maibé espera katak hatudu ba sosiedade sira ami mós bele, maske ho dezafius lubuk ida.
“Ami lakoi ami nia kondisaun ne’e sai bareira la sai difikuldade no sai dezafiu ba ami, ida ne’e mak ami nia mehi. Dadaun ne’e ita iha ona statutu mesmu seidauk rejistu, maibé loron hira liu ba ita halo ona asembleia gerál iha nia strutura, no daudaun ne’e mós ita hetan apoiu ituan hosi SEKOMS, iha tempu baradak ita sei instala ba radiu ne’e”, Nia esplika
Nia akresenta, Rekursu umanu naton ne’ebé mak ami iha, durante ne’e ami aprende ona iha radiu Leberdade no hetan treinamentu husi SEKOMS ne’ebé fasilita ona ami. Rekursu umanu ituan ne’e ami tau hamutuk lori ami nia radiu ne’e ba oin.
“Iha fulan Setembru ita bele lansa Radiu komunidade defisiente, no fatin ne’ebé estabelese radiu defisiensi ne’e iha aimutin Hotel JL Villa nia sorin no hetan fundus hamutuk $3.275 mil. LTS
