Alkatiri Ho Familia Infetadu Covid-19
Naunil Média (Díli), Seketariu Jerál Partidu Frenti Revolusionáriu Timor-Leste Indepedente (FRETILIN), Marí Alkatiri ho nia familia dadaun ne’e infetadu ona Covid-19 tenba teste ne’ebé halo rezultadu hatudu pozitivu.
“ Maluk doben sira hotu, buibere e mauberes asuwain hotu-hotu hatene iha loron hira liu ba, hau dehan covid-19 tama ona hau nia uma, no hau nia Bei oan rua mak infetadu, hau dehan hau sei di’ak hela iha tempu ne’eba, agora hau atu dehan de’it ba povu tomak katak hau rasik infetadu ona covid-19 hau nia espoza ho oan feto mós infetadu ona,” Deklara Marí Alkatiri, liu husi komunikadu impresa ne’ebé Naunil Média Asesu, iha Tersa, (24/08)
Marí fiar buat hotu sei la’o tuir siensia médika nia kapasidade atu mitiga, ita nia brani mai husi ita ida idak nia fiar no hametin siensia nia kapasidade.
Husi tempu uluk kedas to’o ohin loron Timor-Oan sira smpre brani hasoru dezafiu oi-oin ne’ebé mai husi tasi laloran ka rai okos.
“Ita hasoru maibe sempre manan biar balu n barak mak sempre sakrifika sira nia a’an rasi, atu habadak hau nia lian hau hakarak apelu ba maluk doben sira hotu kamarada ka adversariu, liliu bah au ni oan ho bei-oan sira iha Timor-Leste laran tomak atu kuidadu a’an ba.
Hodi hado’ok a’an husi Covid-19 ho variante Delta, Hau mos hatene ho hau nia esperensia rasik, atu hado’ok nusa nusa de;’it ita nunka bele livre 100%, maibe sempre di’ak liu, Nia haktou. Latu
