Bainhira Mandatu Remata “Matan Ruak” Sei Koloka F-FDTL Iha Fronteira
Naunil Média (Díli), Primeiru Ministru (PM) Taur Matan Ruak informa bainhira mandatu remata sei koloka Falintil-Forsa Defeza Timor-Leste (F-FDTL) iha fronteira troka Polisia Nasionál Timor-Leste (PNTL).
Xefe Governu Taur Matan Ruak hateten Lia hirak ne’e iha Plenaria Parlamentu Nasionál (PN), hatan ba Xefi Estadu Maior Jeneral F-FDTL Tenente Jeneral, Lere Anan Timur katak siguransa iha fronteira tuir lolos F-FDTL nia responsabilidade la’os PNTL.
“Ha’u konkorda katak Forsa Armadas tenke fila-fali ba fronteira, bainhira kuandu ha’u sei jeneral tempu nasoens unidas nian, sira husu para forsa armadas mak ba, mais ha’u hateten labele, tanba ema sira agora iha forsa armadas ne’e ema sira ne’ebé foin funu hotu mak mai, ha’u tauk ba provoka malu iha ne’ebá no tiru malu, tan ne’e mak ha’u husu nasoens unidas tau polisia, Dehan PM Taur Matan Ruak, Plenaria iha PN, Tersa,(24/8).
Nia haktuir, momentu ne’eba nudar jeneral halo negosiasaun ho komandante Yudiana Bali posibilidade atu dezmilitariza fronteira, maibe Indonezia la aseita tanba sira nia konstituisaun mandatu Forsa armadas mak iha fronteira.
Taur haktuir, Ita agradese sira nian esforsu tomak, no sira nian sakrifisiu, maibe iha mos elementus balun ke fila buat ne’e sai negosiu.
“Dadaun ne’e nia parte konsulta ona ho Prezidente Republika Francisco Guterres ‘Lu Olo’ no fo ona instrisaun ba Vise Ministru Interior ho Ministru Defeza paraque halo diskusaun hodi tau forsa armadas iha fronteira.”Tenik PM
Taur Promete, Se la’os tinan ida ne’e, tinan oin antes ha’u nian mandatu hotu ha’u hakarak Forsa Armadas iha fronteira.
Hanesan PM nia mós preokupa tebes ho situassun ida ne’e, tanba pasazen tanba illegal. imposivel ema besik atus resin bele halo pasazen ilegal.
“Ha’u mos preokupa, ne’e imposivel pasazen ida ema atus, ne’e Indonezia hatene, ita mos hatene,” nia hakotu. Flo
