FRETILIN Husu Governu Prepara Kondisaun Molok Dekreta Konfinamentu Obrigatoriu iha-Díli
Naunil Média (Díli), Xefí Bankada Frente Revolusionária Timor-Leste Independente (FRETILIN) Deputadu Francisco Miranda Branco, Rekomenda ba VIII governu konstitusionál tenke prepara uluk kondisaun molok aplika konfinamentu obrigatóriu iha kapitál Díli ho munisípiu sira ne’ebé baliza ho Indonézia.
“Ami rekomenda ba VIII Governu karik dekreta konfinamentu obrigatóriu iha kapitál Díli no iha munisípiu sira iha fronteira ho Indonézia hodi kombate propagasaun variante foun tenke presiza halo uluk avizu ba populasaun sira hodi prepara sira. Ho nune’e mós governu prepara kondisaun lojístika ruma molok dekreta medida konfinamentu obrigatóriu,” Dehan,Xefe Bankada FRETILIN, Deputadu Francisco Miranda Branco iha deklarasaun polítika iha estensaun estadu emerjénsia ba dala-XVII, iha sala plenaria Parlamentu Nasionál, tersa 24/08).
Nia hatutan, populasaun baruk no kolen ona ho situasaun ida-ne’e, ho tan polítiku sira balun ne’ebé politiza moras pandemia mundiál ida ne’e.
“Nia afirmatanba sira nia hanoin no sira-nia pensamentu post ‘power syndrome”, Katak nia.
Ho situasaun ida-ne’e, Bankada FRETILIN haree kata,profisionál saúde sira mós dezgastadu ho karga orária serbisu nian, tanba númeru infetadu ne’ebé aumenta loron ba loron, dehan nia.
“Oinsá mak ita hotu hanesan povu nu’udar mós hanesan nasaun bele kontribui lisuk ho hanoin pozitivu, konstrutivu, no hahalok atu lalais normaliza situasaun ida ne’e, no lai-lais hasai karga serbisu profisionál saúde sira-nian hodi fó mós tempu ba sira-nia an no ba sira-nia família” , Nia dehan.
Deklarasaun Bankada FRETILIN ne’e relata tan, atu fila ba normalidade ho prezensa Covid-19, nafatin iha sosiedade ema hotu presiza kompleta vasina, hatoman-an mantein distánsiamentu sosiál, fase-liman beibeik no uza mascara, Nia rekomenda. Ana
