Bendita: “PPN Aniceto” Adia Eleisaun PR, Orientasaun Husi Superior
Naunil Média (Díli), DeputadaBankada Partidu Congressu Nacionál de Reconstrução Timorense (CNRT), Bendita Magno informa, Intensaun Prezidente Parlamentu Nasionál (PPN), Aniceto Longuinhos Guterres Lopes, Adia Eleisaun Prezidensiál ne’ebé sei akontese iha tinan 2022 ne’e iha ona orientasaun husi superior.
Iha loron 16 fulan Agostu 2021, PPN Aniceto Guterres, liu hosi ninia diskursu durante iha serimónia tomada posse ba Prezidente foun Komisaun Nasionál das Eleições (CNE), foti referénsia katak nasaun barak mak adia sira-nia eleisaun tanba pandemia Covid-19.
Nune’e Deputada ne’e Kontra maka’as intensaun PPN Aniceto Longuinhos Guterres Lopes, hodi adia Eleisaun PR Prezidensia ne’ebé sei akontese iha tinan 2022.
“Intensaun sira ne’e hatudu momo’os katak Deputadu iha ona instrusaun ka orientasaun husi ninia superior atu halo esforsu hodi hadia eleisaun nasionál iha ne’ebé sei akontese iha tinan 2022 mai ne’e,” Dehan deputada bankada CNRT, Bendita Magno, iha plenasia PN, tersa, (24/08).
Nia akresenta, Intensaun sira ne’e gravè no fó ameasa bo’ot ba ita nia demokrasia ne’ebé sei nurak hela.
Ba referensia CNRT nota PPN sai de’it mak informasaun kona-ba nasaun besik ne’ebé adia sira nia eleisaun hodi sai referénsia maibé subar faktu seluk katak iha nasaun 128 maka selebra eleisaun iha períodu pandemia Covid-19 nian.
“ Tanba ne’e bankada CNRT hakarak levanta preokupasaun ba situasaun polítika refere,” Tenik Deputada ne’e
Bendita haktuir, Iha kalendáriu normal tinan 2022, Timor-Leste sei hala’o eleisaun prezidensiál atu hili PR foun.
“ Kalendáriu eleitorál ne’e iha konformidade ho artigu 75 númeru 2 husi Konstituisaun Repúblika Demokratika de Timor-Leste (K-RDTL) ne’ebé hakerek katak, Prezidente Repúblika ka’er mandatu to’o tinan liman nia laran no ninia mandatu remata bainhira prezidente foun simu pose,” Dehan nia
Bazeia ba Artigu 75 husi K-RDTL ida ne’e, maka estadu iha obrigasaun konstitusionál atu halo eleisaun iha tinan 2022 atu hili fali prezidente repúblika foun hodi troka prezidente atuál ne’ebé nia mandatu sei remata 20 Maiu 2022.
Nune’e Bankada CNRT, antsipadamente kondena intensaun a’at sira ne’ebé atu kontinua beibeik halo violasaun ba Konstituisaun.
Iha tinan 2017, Timor- Leste hakiduk fali ba kotuk, tanba violasaun gravé barak ne’ebé polítiku sira halo hasoru K-RDTL
Bankada CNRT lamenta polítiku sira uza razaun Covid-19 atu adia Eleisaun PRT iha tinan 2022 ne’e.
Ikus liu hateten se intensaun atu adia eleisaun PR ne’e sei viola liu tán K-RDTL,”Ana
